Salman Khan : सलमान खानचा फाटलेले शूज घातलेला फोटो व्हायरल; भाईजानच्या साधेपणाने जिंकले चाहत्यांची मने

Salman Khan : सलमान खानचा एक फोटो सोशल मीडियावर व्हायरल होत आहे. या फोटोमध्ये त्याने फाटलेले शूज घातलेले पाहायला मिळत आहेत.

Salman Khan

Salman Khan Viral Photo : बॉलिवूडचा भाईजान सलमान खान (Salman Khan) सध्या त्याच्या आगामी 'टायगर 3' (Tiger 3) या सिनेमामुळे चर्चेत आहे. दिवाळीच्या मुहूर्तावर रिलीज झालेला हा सिनेमा बॉक्स ऑफिसवर धमाका करत आहे. सलमान आणि कतरिनाची रोमँटिक केमिस्ट्री चाहत्यांच्या पसंतीस उतरली आहे. दरम्यान भाईजानचा एक फोटो सोशल मीडियावर व्हायरल होत आहे. या व्हायरल फोटोवर एकीकडे भाईजानला ट्रोल केलं जात आहे. तर दुसरीकडे भाईजानच्या साधेपणाचं कौतुक होत आहे.

सलमान खानचा फोटो व्हायरल 

सलमानचा एक फोटो सध्या सोशल मीडियावर चांगलाच व्हायरल होत आहेत. या फोटोने सर्वांचं लक्ष वेधून घेतलं आहे. सलमानने परिधान केलेले शूज हे फाटलेले आहेत. त्याचे हे फाटलेले शूज पाहून चाहते त्याच्या साधेपणाने प्रभावित झाले आहेत. सलमानच्या या फोटोवर चाहत्यांनी कमेंट्सचा वर्षाव केला आहे. तू एक लीजेंड आहेस, सलमान खानसारखा दुसरा कोणीच नाही, डाऊन टू अर्थ भाईजान, अद्भुत अशा कमेंट्स चाहत्यांनी केल्या आहेत. 

Salman Bhai is wearing old and torn shoes, what a down to earth man he is. 🫡❤️@BeingSalmanKhan #SalmanKhan pic.twitter.com/XHsypmFEh5

— DeviL PaSha 🚬 (@iBeingAli_Pasha) November 22, 2023

सलमानच्या 'टायगर 3'चा खेळ खल्लास? (Tiger 3 Box Office Collection Day 12) 

बॉलिवूड अभिनेता सलमान खानचा (Salman Khan) 'टायगर 3' हा सिनेमा 12 जानेवारी 2023 रोजी प्रेक्षकांच्या भेटीला आला होता. रिलीजच्या 12 दिवसांत या सिनेमाची क्रेझ हळूहळू कमी होताना दिसत आहे. त्यामुळे भाईजानचा खेळ खल्लास झाला का अशा प्रश्न उपस्थित होत आहे. रिलीजच्या बाराव्या दिवशी या सिनेमाने फक्त 3.27 कोटींची कमाई केली आहे. एकंदरीत आतापर्यंत या सिनेमाने भारतीय बॉक्स ऑफिसवर 253.03 कोटींची कमाई केली आहे. रिलीजच्या बारा दिवसांत या सिनेमाला 300 कोटींचा टप्पा पार करता आलेला नाही. 

सलमानच्या आगामी सिनेमांबद्दल जाणून घ्या... (Salman Khan Upcoming Movies)

सलमान खान 'किक 2', 'बजरंगी भाईजान 2','धाक', 'बुलबुल मॅरिज हाल', 'नो एन्ट्री में एन्ट्री, दबंग 4 या सिनेमांच्या माध्यमातून प्रेक्षकांच्या भेटीला येणार आहे. या सिनेमांची चाहत्यांना उत्सुकता आहे. सध्या भाईजानचा 'टायगर 3' हा सिनेमा प्रदर्शित झाला असून बॉक्स ऑफिसवर जादू दाखवण्यात कमी पडला आहे.

संबंधित बातम्या