Tiger 3 Box Office Collection : सलमानच्या 'टायगर 3'च्या कमाईत दिवसेंदिवस घसरण सुरुच; जाणून घ्या दहा दिवसांचं बॉक्स ऑफिस कलेक्शन

Tiger 3 : सलमान खानचा (Salman Khan) 'टायगर 3' हा सिनेमा गेल्या दहा दिवसांपूर्वी प्रेक्षकांच्या भेटीला आला असून आता दिवसेंदिवस या सिनेमाच्या कमाईत घसरण सुरू आहे.

Tiger 3 Box Office Collection Day

Tiger 3 Box Office Collection Day 10 : बॉलिवूडचा भाईजान अर्थात सलमान खान (Salman Khan) सध्या 'टायगर 3' (Tiger 3) या सिनेमामुळे चर्चेत आहे. गेल्या दहा दिवसांपूर्वी हा सिनेमा प्रेक्षकांच्या भेटीला आला आहे. दिवाळीच्या मुहूर्तावर रिलीज झालेल्या या सिनेमाची भाईजानच्या चाहत्यांमध्ये चांगलीच क्रेझ आहे. पण आता दिवसेंदिवस या सिनेमाच्या कमाईत घसरण सुरू आहे. 

सलमानचा 'टायगर 3' हा सिनेमा दिवाळीच्या मुहूर्तावर प्रेक्षकांच्या भेटीला आला. रिलीजच्या पहिल्या आठवड्यात या सिनेमाने बॉक्स ऑफिसवर दणदणीत कमाई केली. पण नंतर या सिनेमाचं बॉक्स ऑफिस कलेक्शन कमी व्हायला सुरुवात झाली. त्यामुळे सलमानचा 'टायगर 3' हा सिनेमा बॉक्स ऑफिसवर जादू दाखवण्यात कमी पडला आहे का असा प्रश्न उपस्थित होत आहे.

'टायगर 3'चं बॉक्स ऑफिस कलेक्शन जाणून घ्या... (Tiger 3 Box Office Collection)

'टायगर 3' हा सिनेमा 12 नोव्हेंबर 2023 रोजी प्रेक्षकांच्या भेटीला आला. रिलीजच्या पहिल्या दिवशी अर्थात ओपनिंग डेला या सिनेमाने 44.5 कोटींची कमाई केली. दुसऱ्या दिवशी 59.25 कोटी, तिसऱ्या दिवशी 44.3 कोटी, चौथ्या दिवशी 21.1 कोटी, पाचव्या दिवशी 18.5 कोटी, सहाव्या दिवशी 13.25 कोटी, सातव्या दिवशी 18.5 कोटी, आठव्या दिवशी 10.5 कोटी, नवव्या दिवशी 7.35 कोटी आणि दहाव्या दिवशी 6.35 कोटींची कमाई केली. एकंदरीतच रिलीजच्या दहा दिवसांत 'टायगर 3' या सिनेमाने 24.60 कोटींची कमाई केली आहे. रिलीजच्या दहा दिवसांत 250 कोटींची कमाईदेखील सलमान करू शकलेला नाही. 

पहिला दिवस : 44.5 कोटी
दुसरा दिवस : 59.25 कोटी
तिसरा दिवस : 44.3 कोटी
चौथा दिवस : 21.1 कोटी
पाचवा दिवस : 18.5 कोटी
सहावा दिवस : 13.25 कोटी
सातवा दिवस : 18.5 कोटी
आठवा दिवस : 10.5 कोटी
नववा दिवस : 7.35 कोटी
दहावा दिवस : 6.35 कोटी

सलमान खानचा जगभरात मोठा चाहतावर्ग आहे. त्यामुळे रिलीजच्या दहा दिवसांत जगभरात 'टायगर 3'ने 384.45 कोटींची कमाई केली आहे. लवकरच हा सिनेमा 400 कोटींचा टप्पा पार करेल. 'टायगर 3' हा सिनेमा बॉक्स ऑफिसवर किती कोटींचा गल्ला जमवणार याकडे सर्वांचं लक्ष लागलं आहे. शाहरुखच्या 'पठाण' आणि 'जवान'चा रेकॉर्ड अद्याप 'टायगर 3' हा सिनेमा ब्रेक करू शकलेला नाही. 

'टायगर 3' या सिनेमात सलमान खान (Salman Khan), कतरिना कैफ (Katrina Kaif) आणि इमरान हाशमी (Emraan Hashmi) मुख्य भूमिकेत आहेत. तामिळ, तेलुगू आणि हिंदी अशा तीन भाषांमध्ये हा सिनेमा प्रदर्शित झाला आहे. मनीष शर्माने (Manish Sharma) या सिनेमाच्या दिग्दर्शनाची धुरा सांभाळली आहे. शाहरुख खान आणि हृतिक रोशनची झलकही या सिनेमात पाहायला मिळत आहे.

संबंधित बातम्या