Seema Haider: सीमा हैदर आणि सचिन यांच्या प्रेमकथेवर आधारित असणाऱ्या ‘कराची टू नोएडा’ चं पोस्टर रिलीज; 'ही' अभिनेत्री साकारणार प्रमुख भूमिका
अमित जानीनं यांनी कराची टू नोएडा (Karachi To Noida) या चित्रपटाचे पोस्टर सोशल मीडियावर शेअर करुन 'चल पडे हैं हम..' या गाण्याची माहिती दिली आहे.
Seema Haider: पाकिस्तानची सीमा हैदर (Seema Haider) आणि भारतामधील सचिन (Sachin Meena) या जोडप्यावर आधारित असणारा ‘कराची टू नोएडा’ (Karachi To Noida) हा चित्रपट लवकरच प्रेक्षकांच्या भेटीस येणार आहे. या चित्रपटाची चर्चा गेल्या काही दिवसांपासून होत आहे. 'कराची टू नोएडा' चित्रपटामधील 'चल पडे हैं हम..' हे थीम साँग 20 ऑगस्टला लाँच होणार आहे. नुकतेच अमित जानीनं यांनी कराची टू नोएडा या चित्रपटाचे पोस्टर सोशल मीडियावर शेअर करुन 'चल पडे हैं हम..' या गाण्याची माहिती दिली आहे.
अमित जानी (Amit Jani) यांनी ‘कराची टू नोएडा' चित्रपटाचे पोस्टर शेअर करुन कॅप्शनमध्ये लिहिलं, 'चल पडे हैं हम हे गाणे 20 ऑगस्टला रिलीज होणार आहे. या चित्रपटाचे दिग्दर्शक भरत सिंह आहेत तर चित्रपटाची निर्मिती अमित जानी यांनी केली आहे. चल पडे हैं हम हे गाणे गायिका प्रीती सरोज यांनी गायले आहे. या चित्रपटात अभिनेत्री फरहीन फलक प्रमुख भूमिका साकारणार आहेत.' 'कराची टू नोएडा' या चित्रपटाच्या पोस्टरमध्ये सीमा हैदरचे तीन वेगवेगळे लूक दाखवण्यात आले आहेत.
Song will release on 20 August
— Amit Jani (@AmitJaniIND) August 17, 2023
Poster launched
Jani Firefox Films
Director- Bharat Singh
Producer- Amit Jani
Lyrics- Amit Jani
Singer- Preeti Saroj
Actress- Farheen falak
Creatives- Saurav Shaan Yadav, Aditya Raghav pic.twitter.com/du5EuHgkQt
फरहीन फलक साकारणार प्रमुख भूमिका
‘कराची टू नोएडा’ या चित्रपटात सीमाची भूमिका मॉडेल फरहीन फालक साकारणार आहे. फरहीन ही याआधी सलमान खानच्या टायगर जिंदा या चित्रपटात अँकरची भूमिकेत दिसली आहे. जानी फायरफॉक्स प्रॉडक्शन हाऊसतर्फे सीमा हैदर आणि सचिन यांच्या प्रेमकथेवर आधारित असणारा ‘कराची टू नोएडा’ हा चित्रपट बनवला जात आहे. मेरठचे चित्रपट निर्माते अमित जानी हा चित्रपट बनवत आहेत.
सीमा आणि सचिन यांच्या लव्ह स्टोरीची चर्चा गेल्या काही दिवसांपासून देशातच नाही तर परदेशात देखील होत आहे. सीमा आणि सचिन यांची ओळख PUBG या गेमिंग अॅपच्या माध्यमातून झाली. सुरुवातीला त्यांची मैत्री झाली आणि नंतर मैत्रीचं रूपांतर प्रेमात झालं.
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
