Rohit Shetty Majha Katta : 'मी तिसरीत असताना वडिलांचे निधन झाले, दहावीपर्यंत शिक्षण घेतलं'; रोहित शेट्टीनं 'माझा महाकट्टा' कार्यक्रमात दिला बालपणीच्या आठवणींना उजाळा
एबीपी माझाच्या महाकट्टा या कार्यक्रमात दिग्दर्शक रोहित शेट्टीनं (Rohit Shetty) हजेरी लावली.
Rohit Shetty Majha Katta : दिग्दर्शक रोहित शेट्टीनं (Rohit Shetty) एबीपी माझाच्या महाकट्टा या कार्यक्रमामध्ये त्याच्या बालपणीच्या आठवणींना उजाळा दिला. एबीपी माझाच्या 'माझा कट्टा'ला (majha katta) अकरा वर्ष पूर्ण झाली आहेत. त्यानिमित्त महाकट्ट्याचं आयोजन केलं आहे. या कार्यक्रमात रोहित शेट्टीनं हजेरी लावली. यावेळी रोहित शेट्टीनं चित्रपटांबद्दल तसेच त्याच्या बालपणीच्या आठवणींबद्दल सांगितलं.
रोहित शेट्टीनं त्याच्या बालपणाबद्दल सांगितलं, 'मी डायरेक्टर व्हायचं कधी ठरलं. हे मला आठवतं नाही. माझे वडील चित्रपटसृष्टीत काम करत होते. ते अॅक्शन डिरेक्टर होते, त्यामुळे असं वाटतं होतं की, हेच आपलं काम आहे. लहानपणापासूनच विचार केला होता की, अॅक्शन डिरेक्टर व्हायचंय. '
पुढे रोहितनं सांगितलं, 'माझ्या कुटुंबात आई होती, वडील होते. मी तिसरीत असताना माझ्या वडिलांचे निधन झाले. जे वडिलांनी काम केलं तेच काम मला करायचं होतं. तेव्हा आम्ही सांताक्रुझमधून दहिसरला शिफ्ट झालो. माझी शाळा सांताक्रुझमध्ये होती. मी लोकलमधून आणि बसमधून प्रवास करुन शाळेत जात होतो. वडिलांचे निधन झाल्यानंतर आई काम करत होती. माझी आई स्टंट आर्टिस्ट होती. तिनं काही दिवस ज्युनिअर आर्टिस्ट म्हणून काम केलं. मी वयाच्या 18 व्या वर्षापासून काम करत आहे. मी दहावीपर्यंत शिक्षण घेतलं. कॉलेजमध्ये कधी गेलो नाही. मला माहित होतं मला काय काम करायचंय. आपण नेहमीच स्टुडंट असतो. प्रत्येक गोष्टीमधून काहीतरी शिकायला मिळतं.'
View this post on Instagram
कॉमेडी चित्रपटांबाबत रोहित शेट्टीनं सांगितलं, 'अॅक्शनपेक्षा जास्त अवघड कॉमेडी चित्रपट बनवणं आहे. कॉमेडीमध्ये अभिनेत्याचं टायमिंग आणि डायलॉग्स हे महत्वाची असते. ' तसेच रोहितनं सांगितलं की, त्याला वाळवी हा मराठी चित्रपट खूप आवडला.
रोहितचे चित्रपट
गोलमाल, चेन्नई एक्सप्रेस, सिंघम आणि बोल बच्चन या रोहितनं दिग्दर्शित केलेल्या चित्रपटांनी बॉक्स ऑफिसवर धुमाकूळ घातला. रोहितच्या आगामी चित्रपटांची प्रेक्षक उत्सुकतेने वाट बघत आहेत. रोहितची 'इंडियन पोलीस फोर्स' ही वेब सीरिज लवकरच प्रेक्षकांच्या भेटीस येणार आहे.
इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
