Shamshera Box Office Collection Day 6 : रणबीरचा 'शमशेरा' ठरला फ्लॉप; सहाव्या दिवशीही बॉक्स ऑफिसवर दिसली नाही जादू, पाहा कलेक्शन

रिलीज होऊन सहा दिवस झाले तरी देखील हा चित्रपट बॉक्स ऑफिसवर फारशी कमाई करु शकला नाही.

Shamshera

Shamshera Box Office Collection Day 6 : बॉलिवूडमधील प्रसिद्ध अभिनेता रणबीर कपूरचा (Ranbir Kapoor)  ‘शमशेरा’ (Shamshera) हा चित्रपट गेल्या काही दिवसांपासून चर्चेत आहे. या चित्रपटामध्ये रणबीरनं दुहेरी भूमिका साकारली. रणबीरसोबतच चित्रपटामध्ये  वाणी कपूर (Vaani Kapoor) आणि संजय दत्त (Sanjay Dutt) यांनी देखील प्रमुख भूमिका साकारली आहे. चित्रपट 22 जुलै रोजी रिलीज झाला होता. रिलीज होऊन सहा दिवस झाले तरी देखील हा चित्रपट बॉक्स ऑफिसवर फारशी कमाई करु शकला नाही. रिलीज झाल्यानंतर पहिल्या वीकेंडला या चित्रपटानं  31.75 कोटींची कमाई केली. 

शमशेरा हा चित्रपट 4000 पेक्षा जास्त स्क्रीन्सवर रिलीज झाला होता. या चित्रपटाबाबत अनेकांनी प्रतिक्रिया दिल्या. काहींनी या चित्रपटाचं कौतुक केलं. तर काहींनी या चित्रपटाच्या कथानकाला नापसंती दर्शवली. या चित्रपटानं सहाव्या दिवशी 1.50 ते 2.10 कोटींची कमाई केली आहे. आतापर्यंत या चित्रपटानं 39 कोटींची कमाई केली आहे. रिलीज होऊन सहा दिवस झाले तरी हा चित्रपट 50 कोटींच्या क्लबमध्ये देखील सामील होऊ शकला नाही. 

रिलीज झाल्यानंतर शमशेरा या चित्रपटानं पहिल्या दिवशी (22 जुलै) 10.25 कोटींची कमाई केली. तर दुसऱ्या दिवशी (23 जुलै) या चित्रपटानं 10.50 कोटींची कमाई केली. रविवारी (24 जुलै) म्हणजेच तिसऱ्या दिवशी या चित्रपटानं 11 कोटींची कमाई केली. तीन दिवसांमध्ये या चित्रपटानं 31.75 कोटींची कमाई केली. सोमवारी या चित्रपटाच्या तिकीट बुकींगमध्ये 70 टक्के घट झाली आहे. 

रणबीरनं या चित्रपटासाठी 20 कोटी रुपये मानधन घेतलं आहे. शमशेरा चित्रपटासाठी रणबीरनं त्याच्या बॉडी आणि लूककडे विशेष लक्ष दिलं. शमशेरा या चित्रपटातं दिग्दर्शन करण मल्होत्रा यांनी केले आहे.  तब्बल 150 कोटींच्या बजेटमध्ये या चित्रपटाची निर्मिती करण्यात आली आहे.  

हेही वाचा: