Marathi Thriller Film MrutyuChakra: 'प्रत्येक मृत्यूमागे आहे एक अदृश्य सावली'; 'मृत्यूचक्र' चा थ्रिलर पोस्टर रिलीज; शशांक शेंडेंची मुख्य भूमिका

Marathi Thriller Film MrutyuChakra: 'मृत्यूचक्र' या मराठी थ्रिलरमध्ये अभिनेते शशांक शेंडे यांची मुख्य भूमिका आहे.

MrutyuChakra Shashank shende

Source : canva

MrutyuChakra Shashank shende: प्रत्येक व्यक्तिरेखा कलाकाराला नव्या रुपात अन् नव्या ढंगात प्रेक्षकांच्या भेटीला येण्याची संधी देत असते. अभिनेते शशांक शेंडे (Shahshank Shende) यांनी आपल्या कारकि‍र्दीत बऱ्याच सिनेमांमध्ये (Marathi Thriller) काम केलं.  त्यांनी आजवर विविधांगी भूमिका साकारत आपल्या कलागुणांना वाव दिला आहे. आता अभिनेते शशांक हे आणखी एका आव्हानात्मक भूमिकेत दिसणार आहेत. नुकताच 'मृत्यूचक्र' (MrutyuChakra) या मराठी थ्रिलर चित्रपटातील शशांक शेंडे यांचा फर्स्ट लूक रिव्हील करण्यात आला आहे. हा लूक विशेष लक्ष वेधून घेत आहे. या चित्रपटाची स्टोरी काय असेल? यासाठी प्रेक्षक आतुर आहेत.

'मृत्यूचक्र' या मराठी थ्रिलर सिनेमाचा फर्स्ट लूक समोर (MrutyuChakra Shashank shende in mysterious look)

श्री महादेव फिल्म प्रोडक्शन प्रस्तुत आणि अध्यांश मोशन पिक्चर प्रोडक्शन्स निर्मित ‘मृत्यूचक्र’ या चित्रपटाचं दिग्दर्शन विलास वाघमोडे आणि अनुप्रिता कडु-गंगावणे यांनी केलं आहे. तर, या चित्रपटाची निर्मीती प्रणाली उन्मेश वाघमोडे यांनी केली आहे. ‘मृत्यूचक्र’ या सिनेमात अभिनेता शशांक शेंडे यांची मुख्य भूमिका आहे. ‘मृत्यूचक्र’मध्ये ते ‘जना काका’ ही व्यक्तिरेखा साकारत असल्याची माहिती आहे.  गावाकडच्या वातावरणाशी घट्ट जोडलेला, मनमोकळा, आपुलकीचा आणि मिश्कील स्वभावाचा जना काका म्हणजेच शशांक शेंडे प्रेक्षकांना अगदी ओळखीचा आणि आपलासा वाटणारा असा आहे.

पण ‘मृत्यूचक्र’मध्ये प्रत्येक गोष्ट जशी दिसते तशी नाहीये. अन् जना काका त्याला अपवाद नाहीत. जना काकांच्या सहज बोलण्यात, मिश्कील वागण्यात आणि परिस्थितीकडे पाहण्याच्या नजरेत काहीतरी दडलं आहे. त्यांच्या भोवती घडणाऱ्या घटना जसजशा गूढ होत जातात, तसतसा जना काकांचा खरा चेहरा जाणून घेण्याची उत्सुकता ही वाढत जाते. शशांक शेंडे यांनी या व्यक्तिरेखेला आपल्या अभिनयाची एक वेगळीच धार दिली आहे. विनोद, सहजपणा आणि रहस्य यांचा सुंदर मिलाफ असलेला जना काका प्रेक्षकांच्या मनात नक्कीच घर करतील, यात शंका नाही.

दरम्यान, जना काका खरंच इतके साधे आहेत का? की त्यांच्या शांत चेहऱ्यामागे ‘मृत्यूचक्र’ची एखादी महत्त्वाची कडी दडली आहे? याचं उत्तर शोधण्यासाठी प्रेक्षकांना ‘मृत्यूचक्र’ हा सिनेमा  पाहावंच लागेल. ‘मृत्यूचक्र’ लवकरच संपूर्ण महाराष्ट्रात प्रदर्शित होणार असून, सध्या या सिनेमाचा फर्स्ट लूक व्हायरल होत आहे.