Priyadarshan Test Corona Positive : दिग्दर्शक प्रियदर्शनला कोरोनाची लागण, चेन्नईच्या अपोलो रुग्णालयात दाखल
Priyadarshan Test Corona Positive : दिग्दर्शक प्रियदर्शनला कोरोनाची लागण झाली असून सध्या ते चेन्नईच्या अपोलो रुग्णालयात उपचार घेत आहेत.
Priyadarshan Test Corona Positive : देशभरात कोरोनाचा प्रादुर्भाव झपाट्याने वाढत आहे. कोरोनाचा नवीन व्हेरियंट ओमायक्रॉनबाधितांमध्येही वाढ होत आहे. गेल्या काही दिवसांत बॉलिवूड मनोरंजन सृष्टीतील अनेक सेलिब्रिटींना कोरोनाची लागण झाली आहे. गर्दिश', विरासत', 'हेरा फेरी', भूलभुलैया, 'हंगामा' यांसारख्या सिनेमांचे दिग्दर्शक प्रियदर्शन यांना कोरोनाची लागण झाली आहे.
प्रियदर्शन यांना कोरोनाची लागण झाल्याने सध्या त्यांच्यावर चेन्नईतील अपोलो रुग्णालयात उपचार सुरू आहेत. सूत्रांनी दिलेल्या माहितीनुसार, प्रियदर्शनला शुक्रवारी रुग्णालयात उपचारासाठी दाखल करण्यात आले असून सध्या त्यांची प्रकृती स्थिर आहे. 64 वर्षीय प्रियदर्शन हे मल्याळम सिनेमांचे सुप्रसिद्ध दिग्दर्शक आहेत. तसेच त्यांनी 25 हून अधिक बॉलिवूड सिनेमांचे दिग्दर्शन केले आहे. 'मुस्कुरात', 'डोली सजके रखना', 'खट्टा मीठा', 'दे दना दान', 'हलचल', 'बिल्लू', 'मालामाल वीकली', 'गरम मसाला', 'डोल' इत्यादी सिनेमांचा यात समावेश आहे.
राष्ट्रीय पुरस्कार विजेते दिग्दर्शक प्रियदर्शन यांनी हिंदीतील बहुतांश विनोदी चित्रपटांचे दिग्दर्शन केले आहे. त्यांनी दिग्दर्शित केलेला शेवटचा हिंदी चित्रपट 'हंगामा 2' होता. हा सिनेमा 2003 साली प्रदर्शित झाला होता. मल्याळम आणि हिंदी सिनेमांव्यतिरिक्त प्रियदर्शनने काही तमिळ आणि तेलुगू सिनेमांचेदेखील दिग्दर्शन केले आहे. प्रियदर्शनने आतापर्यंत सर्व भाषांमध्ये जवळपास 95 चित्रपटांचे दिग्दर्शन केले आहे. 2012 साली त्यांना पद्मश्री पुरस्काराने सन्मानित करण्यात आले.
बॉलिवूडला कोरोनाचा विळखा
अभिनेता जॉन अब्राहम आणि त्याची पत्नी प्रिया रूंचाल तसेच अर्जुन कपूर, रिया कपूर, नोरा फतेही, मृणाल ठाकुर या कलाकारांना देखील काही दिवसांपूर्वी कोरोनाची लागण झाली होती. एकता कपूरलादेखील कोरोनाची लागण झाली आहे. बॉलिवूड अभिनेते प्रेम चोप्रांनादेखील कोरोनाची लागण झाली आहे, सध्या ते लीलावती रुग्णालयात उपचार घेत आहेत. अभिनेता नकुल मेहताला कोरोनाची लागण झाली असून आता त्याच्या मुलाला आणि पत्नीलादेखील कोरोनाची लागण झाली आहे. प्रसिद्ध गायक सोनू निगमलादेखील कोरोनाची लागण झाली आहे.
संबंधित बातम्या
Pushpa on OTT : सिनेमागृहात धुमाकूळ घातल्यानंतर अल्लू अर्जुनचा 'पुष्पा' सिनेमा आता ओटीटीवर झाला प्रदर्शित
Films Get Postponed Due To Corona : बॉलिवूडच्या पाच बिग बजेट सिनेमांना कोरोनाचा फटका, रिलीज डेट ढकलल्या पुढे
Ranbir Kapoor : कतरिनावर अजूनही रणबीरची नजर? एका मुलाखती दरम्यान रणवीरने केला खुलासा
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
