कोल्हापुरात महायुतीच्या उमेदवारांची संभाव्य नाव समोर येताच भाजपमध्ये नाराजीचा स्फोट; भाजप सरचिटणीसांचा थेट उद्या सकाळी पक्ष कार्यालयासमोर आत्मदहनाचा इशारा
Kolhapur Municipal Corporation Election: मी पक्षाच्या विचारधारेशी प्रामाणिक असल्याने पक्षाची विचारधारा सोडू शकत नाही. तिकीट न मिळाल्याने माझ्याकडे दुसरा कुठलाही पर्याय नसल्याचे त्यांनी म्हटलं आहे.
Kolhapur Municipal Corporation Election: कोल्हापूरमधील महायुतीचा जागा वाटपाचा पेच फसला असतानाच भाजपकडून संभाव्य उमदेवारांना एबी फाॅर्म देण्यात आले आहेत. मात्र ही संभाव्य नावे समोर येताच कोल्हापूर भाजप महानगर सरचिटणीस धनश्री तोडकर यांना पुन्हा उमेदवारी नाकारल्याचं समोर आलं. आता धनश्री तोडकर यांनी थेट पक्ष कार्यालयासमोर आत्मदहन करण्याचा इशारा दिला आहे. भाजप कार्यालयासमोर आत्मदहन करणार असल्याचा इशारा त्यांनी दिला आहे.
आर्थिक परिस्थिती नाही म्हणत तिकिट नाकारले
धनश्री तोडकर यांनी म्हटलं आहे की, मी गेली अनेक वर्षे भारतीय जनता पार्टीचे काम प्रामाणिकपणे करत आहे. काही महिन्यापूर्वी माझे पती सचिन तोडकर यांचे निधन झाले. त्यांच्या निधनानंतर स्वतःला सावरून मी पक्षाचे काम अखंडित ठेवले. पक्षाचा एकही कार्यक्रम किंवा एकही बैठक चुकवली नाही. कोल्हापूर शहरात इतर कोणत्याही ठिकाणापेक्षा मोठे कार्यक्रम मी एकटी महिला असून घेतले, पण आज माझी आर्थिक परिस्थिती नाही. या कारणामुळे पक्ष मला तिकीट नाकारत आहे. मी पक्षाच्या विचारधारेशी प्रामाणिक असल्याने पक्षाची विचारधारा सोडू शकत नाही. तिकीट न मिळाल्याने माझ्याकडे दुसरा कुठलाही पर्याय नसल्याने मी उद्या मंगळवार दिनांक 30 डिसेंबर रोजी सकाळी 11.00 वाजता पक्ष कार्यालयासमोर आत्मदहन करणार आहे.
कोल्हापूरमध्ये भाजपच मोठा भाऊ
दरम्यान, आज (29 डिसेंबर) खासदार धनंजय महाडिक यांच्या निवासस्थानी महायुतीच्या नेत्यांची बैठक झाली. या बैठकीनंतर जवळपास फॉर्म्युला निश्चित करण्यात आला. भाजपकडून उमेदवारांना एबी फॉर्मचे सुद्धा वाटप केलं जात आहे. भाजपकडून 29 जणांना फॉर्म वाटप करण्यात आलं आहे कोल्हापूरमध्ये भाजपच मोठा भाऊ राहण्याचे स्पष्ट संकेत मिळत आहेत, तर शिवसेना दुसऱ्या क्रमांकावर असेल. राष्ट्रवादी काँग्रेसची 15 जागांवर बोळवण होण्याची शक्यता आहे. समोर आलेल्या फॉर्म्युलानुसार 81 जागांपैकी भाजप 37 जागांवर निवडणूक लढवणार आहे. शिवसेना 30 जागांवर, तर राष्ट्रवादी काँग्रेस अजित पवार गट 14 जागांवर निवडणूक लढवेल अशी शक्यता आहे.
इतर महत्वाच्या बातम्या
Before You Go
Vijay Thalapathy : तामिळनाडूनत काँग्रेस का हाथ अभिनेता विजय के साथ
महत्त्वाच्या बातम्या
