Ponniyin Selvan Trailer Release : सिंहासनासाठी लढाई; मणिरत्नम यांच्या 'पोन्नियिन सेल्वन' चित्रपटाचा भव्य ट्रेलर रिलीज
पोन्नयिन सेल्वन-1 (Ponniyin Selvan 1) या चित्रपटाचा ट्रेलर नुकताच रिलीज झाला आहे. 30 सप्टेंबरला हा चित्रपट प्रेक्षकांच्या भेटीस येणार आहे.
Ponniyin Selvan Trailer Release : प्रसिद्ध चित्रपट दिग्दर्शक मणिरत्नम (Mani Ratnam) यांचा पोन्नयिन सेल्वन-1 (Ponniyin Selvan 1) हा चित्रपट सध्या चर्चेत आहे. या चित्रपटाचा ट्रेलर नुकताच रिलीज झाला आहे. हा ट्रेलर तामिळ, तेलगू, मल्याळम, हिंदी आणि कन्नड अशा पाच भाषांमध्ये प्रदर्शित झाला आहे. या चित्रपटात 10व्या शतकाचा इतिहास दाखवण्यात आला आहे. ऐश्वर्या राय बच्चन (Aishwarya Rai) पोन्नियिन सेल्वनमध्ये राणी नंदिनीची भूमिका साकारत आहे. ट्रेलरमधील ऐश्वर्याच्या लूकनं अनेकांचे लक्ष वेधले आहे. 30 सप्टेंबरला हा चित्रपट प्रेक्षकांच्या भेटीस येणार आहे.
कल्की कृष्णमूर्ती यांच्या ऐतिहासिक महाकाव्यावर पोन्नियिन सेल्वन चित्रपटाचे कथानक आधारित आहे. चोल साम्राज्याची कथा या चित्रपटामधून मांडण्यात आली आहे. चित्रपटात अभिनेता चियान विक्रम यांच्या ट्रेलरमधील लूकनं आणि फिटनेसनं अनेकांचे लक्ष वेधले. ट्रेलरच्या शेवटी दिसत आहे की ऐश्वर्या ही सिंहासनाला पाहात आहे. याचा अर्थ या चित्रपटामध्ये सिंहासनासाठी होणारी लढाई दाखवण्यात येणार आहे. ऐश्वर्या आणि विक्रम यांच्यासोबतच अभिनेत्री शोभिता धूलिपाला आणि जयम रवी हे देखील या चित्रपटात प्रमुख भूमिका साकारणार आहेत.
पाहा ट्रेलर:
ट्रेलर लाँचला प्रसिद्ध कलाकारांची उपस्थिती
चेन्नई येथे पोन्नयिन सेल्वन या चित्रपटाचा ट्रेलर लाँच इव्हेंट पार पडला. या कार्यक्रमाला रजनीकांत आणि कमल हसन या प्रसिद्ध अभिनेत्यांनी हजेरी लावली. तसेच या चित्रपटाची संपूर्ण टीम या कार्यक्रमाला उपस्थित होती.
The SUPREME FORCES ✨ Ulaganayagan @ikamalhaasan, Chairman Subaskaran & Superstar @rajinikanth at the #PS1 🗡️ Music & Trailer Launch Event ✨#PonniyinSelvan 🗡️ #PS1AudioLaunch #PS1Trailer#ManiRatnam @MadrasTalkies_ @LycaProductions @arrahman @tipsofficial @tipsmusicsouth pic.twitter.com/4mjYVfEtWV
— Lyca Productions (@LycaProductions) September 6, 2022
पोन्नियिन सेल्वन हा चित्रपट दोन भागात रिलीज होणार आहे. 500 कोटींच्या बजेटमध्ये या चित्रपटाची निर्मिती करण्यात आली आहे. या चित्रपटाचा साउंडट्रॅक ए आर रहमानने संगीतबद्ध केला आहे. Lyca Productions द्वारे निर्मित, हा चित्रपट IMAX थिएटरमध्ये प्रदर्शित होणारा पहिला तमिळ चित्रपट असेल.
वाचा इतर महत्त्वाच्या बातम्या:
Alia Bhatt Instagram : आलियानं दीपिका-कतरिनाला टाकलं मागे; इंस्टाग्रामवर पार केला 70 मिलियनचा टप्पा
महत्त्वाच्या बातम्या
