एक्स्प्लोर

OTT Releases in January : या महिन्यात ओटीटीवर प्रदर्शित होणार 'हे' सिनेमे आणि वेबसीरिज

OTT releases in January : प्रेक्षकांच्या मनोरंजनासाठी ओटीटी प्लॅटफॉर्मवर लवकरच अनेक सिनेमे आणि वेबसीरिज प्रदर्शित होणार आहेत.

Written By : एबीपी माझा वेब टीम | Edited By: मंजिरी पोखरकर | Updated at : 08 Jan 2022 10:13 PM (IST)

ओटीटी

OTT Releases in January : देशभरात कोरोनाचा प्रादुर्भाव झपाट्याने वाढत आहे. कोरोनाचा नवीन व्हेरियंट ओमायक्रॉनबाधितांमध्येही वाढ होत आहे. गेल्या काही दिवसांत बॉलिवूड मनोरंजन सृष्टीतील अनेक सेलिब्रिटींना कोरोनाची लागण झाली आहे. मीडिया रिपोर्ट्सनुसार, 2021 मध्ये ओटीटी प्लॅटफॉर्मवर सुमारे 400 वेबसीरिज आणि सिनेमे प्रदर्शित झाले आहेत. अशातच प्रेक्षकांच्या मनोरंजनासाठी ओटीटी प्लॅटफॉर्मवर लवकरच अनेक सिनेमे आणि वेबसीरिज प्रदर्शित होणार आहेत.

Ye Kali Kali Aankhen : श्वेता त्रिपाठी आणि ताहिर भसीन यांची 'ये काली काली आखें' ही वेबसीरिज येत्या 14 तारखेला नेटफ्लिक्सवर प्रदर्शित होणार आहे. याआधी ट्रेलर प्रदर्शित झालेला असून ट्रेलरला प्रेक्षकांनी पसंती दर्शवली होती.

Campus Diaries : तुम्हाला पुन्हा एकदा कॉलेजचे दिवस अनुभवायचे असतील तर Campus Diaries वेबसीरिज उत्तम आहे. MX Player ची ही वेब सीरिज 7 जानेवारीला प्रेक्षकांच्या भेटीला आली आहे.

Eternals : Eternals सिनेमा येत्या 11 जानेवारीला डिज्नी प्लस हॉटस्टारवर प्रदर्शित होणार आहे. हा सिनेमा गेल्या वर्षी 5 नोव्हेंबरला सिनेमागृहात प्रदर्शित झाला होता.
या चित्रपटात अँजेलिना जोली, कुमेल नानजियानी, गेम्मा चॅन, रिचर्ड मॅडेन, लॉरेन रिडलॉफ, सलमा हेक आणि ब्रायन टायरी हेन्री यांच्या प्रमुख भूमिका आहेत.

Human : 'ह्यूमन' ही वेबसीरिज डिज्नी प्लस हॉटस्टारवर 14 जानेवारी रोजी प्रदर्शित होणार आहे. या वेबसीरिजमध्ये शेफाली शाह, विशाल जेठा, कीर्ती कुल्हारी, सीमा बिस्वास, राम कपूर आणि आदित्य श्रीवास्तव यांच्या प्रमुख भूमिका आहेत.

Kaun Banegi Shikharwati : ही वेबसीरिज झी 5 या ओटीटी प्लॅटफॉर्मवर 7 जानेवारी रोजी प्रदर्शित झाली आहे. यात नसीरुद्दीन शाह, सोहा अली खान, लारा दत्ता, कृतिका कामरा आणि रघुबीर यादव मुख्य भूमिकेत आहेत.

संबंधित बातम्या