एक्स्प्लोर

Oscars 2024 Shortlist: '2018' ऑस्करच्या शर्यतीतून बाहेर; कोणत्या चित्रपटांना करण्यात आलं शॉर्टलिस्ट, पाहा यादी

Oscars 2024 Shortlist: यंदा ऑस्करसाठी भारताकडून पाठवलेली अधिकृत प्रवेशिका '2018' हा चित्रपट अकादमी पुरस्काराच्या शर्यतीतून बाहेर पडला आहे. त्यामुळे भारतातील प्रेक्षक नाराज झाले आहेत.

By : एबीपी माझा एंटरटेनमेंट डेस्क | Edited By: प्रियांका कुलकर्णी | Updated at : 22 Dec 2023 02:48 PM (IST)

Oscars 2024 Shortlist

Oscars 2024 Shortlist: ऑस्कर (Oscars 2024) हा मनोरंजन विश्वातील प्रतिष्ठित पुरस्कार आहे. दर वर्षी ऑस्कर पुरस्कार सोहळ्याचे आयोजन केलं जातं. पुढील वर्षीच्या ऑस्कर पुरस्कारासाठी शॉर्टलिस्ट केलेल्या चित्रपटांची यादी जाहीर करण्यात आली आहे. यंदा ऑस्करसाठी भारताकडून पाठवलेली अधिकृत प्रवेशिका असलेला '2018' हा चित्रपट अकादमी पुरस्काराच्या शर्यतीतून बाहेर पडला आहे. त्यामुळे भारतातील प्रेक्षक नाराज झाले आहेत. यंदाच्या ऑस्कर पुरस्कारासाठी कोणत्या चित्रपटांना शॉर्टलिस्ट करण्यात आलं आहे? ते जाणून घेऊयात...

ऑस्करच्या शर्यतीतून 2018 चित्रपट बाहेर

ऑस्करसाठी भारताकडून पाठवण्यात आलेला 2018 हा चित्रपट ऑस्करच्या शर्यतीतून बाहेर झाला आहे.चित्रपटाची 2018 मध्ये केरळमध्ये आलेल्या पुरावर आधारित आहे.रिपोर्टनुसार या चित्रपटाची निर्मिती 12 कोटींमध्ये करण्यात आली आहे. हा चित्रपट ऑस्करच्या शर्यतीतून बाहेर पडल्यानं या चित्रपटाची टीम नाराज झाली आहे. या चित्रपटाचे दिग्दर्शक ज्युड अँथनी जोसेफ यांनी सोशल मीडियावर पोस्ट शेअर करुन त्यांच्या भावना व्यक्त केल्या आहेत,त्यांनी पोस्टमध्ये लिहिलं, "2018 ची ऑस्करसाठी निवड न झाल्याने मी खूप निराश आहे आणि यासाठी सर्वांची माफी मागतो. मात्र, चित्रपटाला इतकं प्रेम दिल्याबद्दल सर्वांचे आभारही व्यक्त करतो."

डॉक्युमेंट्री फिचर कॅटेगिरी,डॉक्युमेंट्री शॉर्ट सबजेट कॅटेगिरी,इंटरनॅशनल फिचर व्हिज्युअल इफेक्ट्स, मेकअप अँड हेअर स्टायलिंग,लाईव्ह अॅक्शन शॉर्ट फिल्म, अॅनिमेटेड शॉर्टफिल्म ओरिजनल साँग, ओरिजनल स्कोअर या कॅटेगिरीत शॉर्टलिस्ट झालेल्या चित्रपटांच्या नावाची घोषणा करण्यात आली आहे.