Dasara: अभिनेता नानीचा 'दसरा' ठरणार ब्लॉकबस्टर? रिलीज आधीच केली कोट्यवधींची कमाई

साऊथ सुपरस्टार नानीचा (Nani) दसरा (Dasara) हा चित्रपट लवकरच प्रेक्षकांच्या भेटीस येणार आहे. या पॅन इंडिया फिल्मचा टीझर काही दिवसांपूर्वी रिलीज झाला.

Nani, Dasara

Nani Dasara Pre Release Profit: सध्या दाक्षिणात्य चित्रपट बॉक्स ऑफिसवर धुमाकूळ घालत आहेत. कांतारा (Kantara), पुष्पा (Pushpa: The Rise), केजीएफ (K.G.F), आरआरआर (RRR) या साऊथ चित्रपटांना केवळ भारतामधीलच नाही तर जगभरतील प्रेक्षकांची पसंती मिळाली. या चित्रपटांनी बॉक्स ऑफिसवर कोट्यवधींची कमाई केली. आता साऊथ सुपरस्टार नानीचा (Nani) दसरा (Dasara) हा चित्रपट लवकरच प्रेक्षकांच्या भेटीस येणार आहे. या पॅन इंडिया फिल्मचा टीझर काही दिवसांपूर्वी रिलीज झाला.  दसरामध्ये नानीनं हटके लूकनं अनेकांचे लक्ष वेधले. त्याच्या लूकची तुलना अनेक नेटकरी पुष्पा चित्रपटातील अल्लू अर्जुनच्या लूकसोबत करत आहेत. या चित्रपटानं रिलीज आधीच कोट्यवधींची कमाई केली आहे. जाणून घेऊयात या चित्रपटाच्या कमाईबद्दल

नानी हा साऊथमधील प्रसिद्ध अभिनेता आहे. त्याच्या चित्रपटांना प्रेक्षकांची पसंती मिळते. आता नानी हा दसरा या आगामी चित्रपटाच्या माध्यमातून प्रेक्षकांच्या भेटीस येणार आहे. या चित्रपटाचा टीझर काही दिवसांपूर्वी रिलीज झाला. या टीझरला एका दिवसात सात मिलियनपेक्षा अधिक व्ह्युज मिळाले. एका रिपोर्टनुसार, या चित्रपटाची निर्मिती 65 कोटींमध्ये करण्यात आली आहे. तर या चित्रपटाचे डिजिटल आणि थिएटर राइट्स 29 कोटी आणि 48 कोटीमध्ये विकले गेले आहेत. त्यामुळे आता रिलीज आधीच या चित्रपटाला 12 कोटींचा नफा झाला आहे.

'हे' कलाकार साकारणार प्रमुख भूमिका

श्रीकांत ओडेला यांनी दसरा  या चित्रपटाचं दिग्दर्शन केलं आहे.  या चित्रपटात साई कुमार, समथिरकानी, दीक्षित शेट्टी, संतोष नारायणन आणि जरीना वहाब हे प्रमुख भूमिका साकारणार आहेत.   

या दिवशी होणार रिलीज

तेलूगू, तमिल, कन्नड, मल्याळम आणि हिंदी या भाषांमध्ये दसरा रिलीज होणार आहे.  हा चित्रपट 30 मार्च रोजी प्रेक्षकांच्या भेटीस येणार आहे. आता हा चित्रपट ओपनिंग डेला किती कमाई करतो? या प्रश्नाचं उत्तर लवकरच नानीच्या चाहत्यांना मिळेल.  

पाहा टीझर:

एस. एस. राजामौलींनी केलं कौतुक

दसरा हा टीझर पाहिल्यानंतर एस.एस राजामौली (S. S. Rajamouli) इम्प्रेस झाले. एस. एस. राजामौली यांनी ट्वीट शेअर करुन 'दसरा' चित्रपटाच्या टीझरचं कौतुक केलं आहे. 'दसरा' चित्रपटाच्या टीझरमधील व्हिजुअल्स अप्रतिम आहेत. यामधील अभिनेता नानीचा मेकओवर इम्प्रेसिव्ह आहे. एक डेब्यू डायरेक्टर एवढं अप्रतिम काम करत आहे, हे पाहून आनंद झाला. चित्रपटाच्या टीमला शुभेच्छा.' असं त्यांनी ट्वीटमध्ये लिहिलं.

महत्वाच्या इतर बातम्या: