Akola Abhay Patil and Shinde Camp: एकनाथ शिंदेंचा खास माणूस रात्री अकोल्यात पोहोचला, अभय पाटलांसोबत दोन तास गुप्त खलबतं, महत्त्वाच्या घडामोडींचे संकेत
Akola Abhay Patil and Shinde Camp: गेल्या काही दिवसांपासून अकोल्याच्या राजकारणात सुरु असलेल्या घडामोडींना वेग आला आहे. शनिवारी रात्री अकोल्यातील राजकारणात एक महत्त्वाची घडामोड घडली.
Akola Abhay Patil and Shinde Camp: अकोल्यात काँग्रेसकडून लोकसभा लढवलेले डॉ. अभय पाटील यांची उपमुख्यमंत्री एकनाथ शिंदे यांचे खास असलेल्या ॲड. निलेश देशमुखांनी भेट घेतली. डॉ. अभय पाटील (Abhay Patil) यांच्या टॉवर चौकातील निवासस्थानी रात्री ही भेट पार पडली. वर्षभरापूर्वी पक्षाच्या कार्यपद्धतीवर नाराज होऊन काँग्रेस सोडणारे डॉ. अभय पाटील मोठा राजकीय निर्णय घेण्याच्या तयारीत असल्याची जोरदार चर्चा सध्या रंगली आहे. अलीकडेच डॉ. पाटील यांनी एकनाथ शिंदेंची (Eknath Shinde) भेट घेतली होती. पुढच्या दोन दिवसात डॉ. अभय पाटील आपल्या समर्थकांची बैठक घेऊन आपला राजकीय निर्णय घेण्याच्या तयारीत असल्याचे समजते. त्याच पार्श्वभूमीवर या बैठकीआधी ॲड. निलेश देशमुख यांनी डॉ. पाटील यांची भेट घेतल्याने राजकीय चर्चांना उधाण आले आहे. या दोघांमध्ये बंद दाराआड तब्बल दोन तास चर्चा झाली. उभय नेत्यांनी एकत्र जेवणही केले. त्यामुळे सध्या अकोल्याच्या राजकारणात या 'डिनर डिप्लोमॅसी'ची जोरदार चर्चा रंगली आहे. (Maharashtra politics news)
अकोल्यात शिंदेंच्या शिवसेनेकडून मोठा राजकीय मासा गळाला लावण्याचे प्रयत्न सुरु आहेत. 2024 मध्ये काँग्रेसचे लोकसभेचे उमेदवार असलेल्या डॉ. अभय पाटील यांनी नुकतीच मुंबईत उपमुख्यमंत्री एकनाथ शिंदे यांची भेट घेतली होती. दोघांच्या तासभराच्या भेटीत पुढच्या राजकीय निर्णयाबद्दल उहापोह झाल्याची चर्चा होती. त्यानंतर आता डॉ. पाटील यांच्या भेटीसाठी निलेश देशमुख यांनी थेट अकोल्यात धाव घेतल्याने डॉ. अभय पाटील लवकरच शिंदेंच्या शिवसेनेत प्रवेश करणार असल्याच्या चर्चांना उधाण आले आहे.
2024 च्या लोकसभा निवडणुकीत डॉ. अभय पाटील हे तब्बल 4 लाख 16 हजार मते घेत दुसऱ्या स्थानावर राहिले होते. तर वंचितचे अध्यक्ष प्रकाश आंबेडकर हे तिसऱ्या क्रमांकावर होते. दरम्यान, काँग्रेसच्या कार्यपद्धतीला कंटाळून वर्षभरापूर्वी डॉ. पाटील यांनी पक्षाचा राजीनामा दिला होता. त्यानंतर त्यांनी कोणत्याही राजकीय पक्षामध्ये प्रवेश केलेला नव्हता. मात्र, एकनाथ शिंदे यांच्या भेटीनंतर काँग्रेसच्या नेत्यांनी अकोल्यात नुकतीच त्यांची भेट घेत त्यांची मनधरणी करण्याचा प्रयत्न केला. डॉ. अभय पाटलांनी पुढच्या दोन दिवसांत आपल्या समर्थकांची बैठक बोलावली आहे. या बैठकीनंतर डॉ. अभय पाटील पुढचा राजकीय निर्णय घेणार आहेत.
Who is Abhay Patil: कोण आहेत डॉ. अभय पाटील?
1) विदर्भातील नामवंत अस्थिरोगतज्ञ.
2) वडील डॉ. के. एस. पाटील विदर्भातील नामवंत अस्थिरोगतज्ञ होते. डॉ. के. एस. पाटील विश्व हिंदू परिषदेचे मोठे नेते.
3) आधीच्या कार्यकारिणीत डॉ. अभय पाटील प्रदेश काँग्रेसचे सरचिटणीस होते
4) डॉ. पाटील अकोला होते 2024 च्या लोकसभेत काँग्रेसचे उमेदवार
5) मराठा मोर्चाच्या समन्वयकांपैकी एक.
Akola Lok Sabha Election: 2024 च्या लोकसभेत अकोल्यात उमेदवारांना मिळालेली मते
अनुप धोत्रे : भाजप : 457030
डॉ. अभय पाटील : काँग्रेस : 416404
प्रकाश आंबेडकर : वंचित : 276747
भाजपचे अनुप धोत्रे 40 हजार 626 मतांनी विजयी.
आणखी वाचा
Before You Go
Ujjain Khade Hanuman Mandir Marathi News: मंदिर हटवलं, पण चार दिवस झाले हनुमानाची मूर्ती हलेना; उज्जैनमध्ये काय घडलं?
महत्त्वाच्या बातम्या
