Majhi Tujhi Reshimgath : वहिनीसमोर येणार अविनाशचे सत्य; सिम्मी काकूंना येतोय नेहाच्या वागण्याचा संशय

Majhi Tujhi Reshimgath : 'माझी तुझी रेशीमगाठ' मालिकेत नेहाचा पहिला नवरा अविनाश असल्याचे सत्य लवकरच सर्वांसमोर येणार आहे.

Majhi Tujhi Reshimgath

Majhi Tujhi Reshimgath : 'माझी तुझी रेशीमगाठ' (Majhi Tujhi Reshimgath) ही छोट्या पडद्यावरची लोकप्रिय मालिका आहे. सध्या ही मालिका लोकप्रियतेच्या शिखरावर आहे. आता परीचा ड्रायव्हर म्हणून नेहाच्या पहिल्या नवऱ्याची मालिकेत एन्ट्री झाली आहे. पण हे सत्य अद्याप कोणासमोर आलेलं नाही. 

वहिनीसमोर येणार अविनाशचं सत्य 

'माझी तुझी रेशीमगाठ' मालिकेत येणाऱ्या भागात एक ट्विस्ट येणार आहे. यश अविनाशसोबत व्हिडीओ कॉलवर बोलत असताना वहिणी येते. वहिणीने अविनाशला पाहू नये यासाठी नेहा वहिनीला अडवण्याचा प्रयत्न करते. पण तरीही वहिनी अविनाशला पाहते. परीचा ड्रायव्हर अविनाश असल्याचे वहिनीला समजल्यानंतर तिला मोठा धक्का बसणार आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by माझी तुझी रेशीमगाठ (@mazhituzhireshimgaathofficial)

सिम्मी काकू करणार अविनाशची चौकशी

अविनाशच्या तब्येतीमुळे नेहा अविनाश तिचा नवरा असल्याचे सत्य सर्वांपासून लपवण्याचा प्रयत्न करते आहे. पण तिचं अचानक बदललेलं वागणं सर्वांना खटकत आहे. सिम्मी काकूलादेखील नेहाच्या वागण्याचा संशय येत आहे. त्यामुळे आता सिम्मी काकूने अविनाशची चौकशी करण्याचा निर्णय घेतला आहे. त्यामुळे नेहाच्या पहिल्या नवऱ्याचे सत्य सिम्मी काकूला समजल्यावर ती काय करणार याकडे प्रेक्षकांचं लक्ष लागलं आहे. 

नेहा यशच्या सुखी संसारात नेहाच्या पहिल्या नवऱ्याची एन्ट्री

नेहा यशच्या सुखी संसारात नेहाच्या पहिल्या नवऱ्याची एन्ट्री झाल्याने नेहा-यशला पुन्हा एकदा संकटाचा सामना करावा लागत आहे. पहिल्या नवऱ्यामुळे नेहा आणि यशचा संसार फिस्कटणार का? परीला तिचे खरे बाबा कोण हे कळल्यावर तिची काय प्रतिक्रिया असेल अशा अनेक प्रश्नांची उत्तरं प्रेक्षकांना 'माझी तुझी रेशीमगाठ' मालिकेच्या आगामी भागात मिळणार आहेत. 

श्रेयस तळपदे (Shreyas Talpade) आणि  प्रार्थना बेहरे (Prarthana Behere) 'माझी तुझी रेशीमगाठ' या मालिकेत मुख्य भूमिकेत आहेत. तसेच या मालिकेचे मुख्य आकर्षण म्हणजे नेहाची गोड मुलगी अर्थात परी. परीची भूमिका साकारणारी मायरा वायकुळने (Mayra Vaikul) आपल्या निरागस अभिनयाने प्रेक्षकांच्या मनावर राज्य केले आहे. 

संबंधित बातम्या