Majhi Tujhi Reshimgath : 'माझी तुझी रेशीमगाठ' मालिकेत नवा ट्विस्ट; अविनाश खोटं बोलून पुन्हा नेहाला फसवणार?

Majhi Tujhi Reshimgath : 'माझी तुझी रेशीमगाठ' या मालिकेत अविनाशचं सत्य आता नेहासमोर आलं आहे.

Majhi Tujhi Reshimgath

Majhi Tujhi Reshimgath : 'माझी तुझी रेशीमगाठ' (Majhi Tujhi Reshimgath) ही छोट्या पडद्यावरची लोकप्रिय मालिका आहे. सध्या ही मालिका लोकप्रियतेच्या शिखरावर आहे. नुकताच या मालिकेचा विशेष भाग पार पडला. या भागात अविनाशचं सत्य नेहासमोर आलं आहे. त्यामुळे नेहाला वाढदिवसाची चांगलीच भेट मिळाली आहे. 

अविनाश पुन्हा नेहाला फसवणार?

मालिकेच्या विशेष भागात अविनाश परीचा ड्रायव्हर असल्याचे सत्य नेहासमोर आले आहे. अविनाश तिचा पहिला नवरा असल्याचे सत्य नेहाने यशला सांगण्याआधीच अविनाश यशला फोन करून सांगतो, "मी परीचा ड्रायव्हर अविनाश...मला कॅन्सर झाला आहे". त्यामुळे यश अविनाशला मदत करण्याचे ठरवतो.

नुकत्याच समोर आलेल्या प्रोमोमध्ये नेहा अविनाशला म्हणत आहे,"परीच्या आयुष्यात आता तुला जागा नाही. त्यामुळे इथून निघून जायचं. त्यावर अविनाश म्हणतो,"मी मरणाच्या दारात उभा आहे. कॅन्सरच्या शेवटच्या स्टेजवर आहे. मला माझ्या मुलीपासून तोडू नकोस नेहा". त्यामुळे नेहा आता अविनाश तिचा पहिला नवरा असल्याचे सत्य यशला सांगणार का याकडे प्रेक्षकांचं लक्ष लागलं आहे". 

 

 

 

 

 

View this post on Instagram

 

 

 

 

 

 

 

 

 

 

 

A post shared by ZeeMarathi (@zeemarathiofficial)

नेहा यशच्या सुखी संसारात नेहाच्या पहिल्या नवऱ्याची एन्ट्री झाल्याने नेहा-यशला पुन्हा एकदा संकटाचा सामना करावा लागत आहे. पहिल्या नवऱ्यामुळे नेहा आणि यशचा संसार फिस्कटणार का? परीला तिचे खरे बाबा कोण हे कळल्यावर तिची काय प्रतिक्रिया असेल अशा अनेक प्रश्नांची उत्तरं प्रेक्षकांना 'माझी तुझी रेशीमगाठ' मालिकेच्या आगामी भागात मिळणार आहेत. 

श्रेयस तळपदे (Shreyas Talpade) आणि  प्रार्थना बेहरे (Prarthana Behere) 'माझी तुझी रेशीमगाठ' या मालिकेत मुख्य भूमिकेत आहेत. तसेच या मालिकेचे मुख्य आकर्षण म्हणजे नेहाची गोड मुलगी अर्थात परी. परीची भूमिका साकारणारी मायरा वायकुळने (Mayra Vaikul) आपल्या निरागस अभिनयाने प्रेक्षकांच्या मनावर राज्य केले आहे. 

संबंधित बातम्या