Madhuri Dixit : माधुरी दीक्षितच्या 'पंचक' सिनेमातील नवं गाणं प्रेक्षकांच्या भेटीला; 'चमत्कार' सांगणार आयुष्याचा भावार्थ

Madhuri Dixit : माधुरी दीक्षितच्या आगामी 'पंचक' (Panchak) या सिनेमातील 'चमत्कार' (Chamatkar) हे गाणं प्रेक्षकांच्या भेटीला आलं आहे.

Panchak

Madhuri Dixit Panchak Movie New Song : बॉलिवूड गाजवणारी अभिनेत्री माधुरी दीक्षित (Madhuri Dixit) सध्या 'पंचक' (Panchak) या सिनेमामुळे चर्चेत आहे. लवकरच हा सिनेमा प्रेक्षकांच्या भेटीला येणार आहे. माधुरी दीक्षित निर्मित या सिनेमातील 'चमत्कार' (Chamatkar) हे गाणं आता प्रेक्षकांच्या भेटीला आलं आहे.

'चमत्कार' सांगणार आयुष्याचा भावार्थ

श्रीराम नेने व माधुरी दीक्षित-नेने निर्मित 'पंचक' सिनेमातील जगण्याचे सार उमगवणारे एक सुरेख गाणे नुकतेच प्रदर्शित झाले आहे. 'ज्याला त्याला उमगते, ज्याची त्याची भाषा, बाकी इथे जगण्याचा रोजचा तमाशा...' असे बोल असलेले हे गाणे आयुष्याचा भावार्थ सांगत आहे. गुरु ठाकूर यांचे हृदयस्पर्शी शब्द लाभलेल्या या भावनिक गाण्याला मंगेश धाकडे यांनी संगीत दिले आहेत तर अभिजीत कोसंबी याचा जादुई आवाज या गाण्याला लाभला आहे. या गाण्याच्या शब्दांमध्ये अनेक भावना आहेत. 

'चमत्कार' या गाण्याचे गीतकार गुरु ठाकूर म्हणाले,"अनेक घडामोडी घरात घडत आहेत आणि त्या सगळ्यांना अनुसरून या गाण्याचे बोल रचायचे होते. प्रत्येक व्यक्तिरेखेच्या आयुष्यात वेगवेगळ्या पातळीवर द्वंद्व सुरु आहेत. त्यामुळे या शब्दांमध्ये आर्तता खूप महत्वाची होती. अभिजीत कोसंबीने आपल्या आवाजाने हे गाणे एका वेगळ्याच उंचीवर नेले आहे. संगीतही त्याच दर्जाचे आहे".

 

 

 

 

 

View this post on Instagram

 

 

 

 

 

 

 

 

 

 

 

A post shared by Madhuri Dixit (@madhuridixitnene)

'चमत्कार' या गाण्याबद्दल बोलताना दिग्दर्शक राहुल आवटे म्हणतात,"गुरु ठाकूर यांनी अत्यंत सुंदर शब्दात जीवनातील सफर मांडली आहे. ज्याला मंगेश धाकडे यांनी उत्तम संगीताची साथ लाभली आहे. खूप भावनिक आणि मनाला भिडणारे हे गाणे आहे. प्रत्येकाच्या आयुष्याशी साधर्म्य साधणारे हे गाणे आहे".  

तगडी स्टारकास्ट असलेला 'पंचक' (Panchak Movie Starcast)

जयंत जठार आणि राहुल आवटे दिग्दर्शित 'पंचक' या सिनेमाची निर्मिती नितीन वैद्य यांनी केली आहे. आदिनाथ कोठारे, दिलीप प्रभावळकर, भारती आचरेकर, आनंद इंगळे, तेजश्री प्रधान, सतीश आळेकर, नंदिता पाटकर, सागर तळाशीकर, संपदा कुलकर्णी, आशिष कुलकर्णी, दिप्ती देवी, विद्याधर जोशी, आरती वडगबाळकर, गणेश मयेकर यांच्या प्रमुख भूमिका असलेला हा सिनेमा येत्या 5 जानेवारी रोजी प्रदर्शित होत आहे.

संबंधित बातम्या