Made In Heaven 2 trailer: लग्न, ड्रामा आणि इमोशन्स; बहुप्रतिक्षित 'मेड इन हेवन 2' सीरिजचा ट्रेलर रिलीज
मेड इन हेवन-2 (Made In Heaven 2) या सीरिजचा ट्रेलर प्रेक्षकांच्या भेटीस आला आहे. या ट्रेलरनं अनेकांचे लक्ष वेधले आहे.
Made In Heaven 2 trailer: मेड इन हेवन (Made In Heaven) या सीरिजला प्रेक्षकांची पसंती मिळाली. मेड इन हेवन ही सीरिज 2019 मध्ये प्रदर्शित झाली. आता या सीरिजचा दुसरा सीझन प्रेक्षकांच्या भेटीस येत आहेत. नुकताच मेड इन हेवन-2 (Made In Heaven 2) या सीरिजचा ट्रेलर प्रेक्षकांच्या भेटीस आला आहे. या ट्रेलरनं अनेकांचे लक्ष वेधले आहे.
अभिनेत्री शोभिता धुलिपाला (Sobhita Dhulipala) आणि अभिनेता अर्जुन माथूर (Arjun Mathur) यांच्या मेड इन हेवन या ही मल्टीस्टारर वेब सीरिजच्या दुसऱ्या सीझनचा ट्रेलर प्रेक्षकांच्या भेटीस आला आहे. तीन मिनिटे 23 सेकंदांच्या या ट्रेलरमध्ये अनेक कलाकारांची झलक बघायला मिळते. मेड इन हेवन-2 ही वेब सीरिज वेडिंग प्लॅनर्सवर आधारित आहे, असं ट्रेलर पाहून कळते. वेडिंग प्लॅन करताना येणाऱ्या अडचणी, तसेच ज्याचं लग्न होणार आहे, त्या जोडप्यांमध्ये असणारे मतभेद या सर्व गोष्टी ट्रेलरमध्ये दिसत आहे. मेड इन हेवन-2 या वेब सीरिजचा ट्रेलर पाहिल्यानंतर आता प्रेक्षक या सीरिजची उत्सुकतेने वाट बघत आहेत.
मृणाल ठाकूर, दिया मिर्झा, राधिका आपटे या अभिनेत्रींची झसक देखील मेड इन हेवन-2 सीरिजच्या ट्रेलरमध्ये बघायला मिळत आहे.जोया अख्तर, अलंकृता श्रीवास्तव, नीरज घेवान आणि नित्या मेहरा या चार दिग्दर्शकांनी या सारिजचं दिग्दर्शन केलं आहे.
फरहान अख्तरनं शेअर केला ट्रेलर
फरहान अख्तरनं 'मेड इन हेवन 2' या सीरिजचा ट्रेलर सोशल मीडियावर शेअर करुन कॅप्शनमध्ये लिहिल, 'वेडिंग सीझनला अधिकृतपणे सुरूवात झाली आहे. तुमच्या आवडत्या वेडिंग प्लॅनर्सनं पुन्हा कामाला सुरुवात केली आहे.'
View this post on Instagram
कधी रिलीज होणार 'मेड इन हेवन 2' सीरिज?
'मेड इन हेवन 2' ही सीरिज 10 ऑगस्ट रोजी प्राइम व्हिडीओ या ओटीटी प्लॅटफॉर्मवर रिलीज होणार आहे. शोभिता धुलिपाला आणि अर्जुन माथूर यांच्यासोबतच कल्की कोचलिन, जिम सरभ, शशांक अरोरा, मोना सिंह, इश्वाक सिंह, त्रिनेत्रा,शिबानी दांडेकर हे कलाकार देखील 'मेड इन हेवन 2' या सीरिजमध्ये प्रमुख भूमिका साकारणार आहेत.
महत्त्वाच्या इतर बातम्या :
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
