Koffee With Karan 7: सारा अली खान आणि कार्तिक आर्यन रिलेशनशिपमध्ये? करण जोहरच्या शोमधून मोठा गौप्यस्फोट!
Koffee With Karan 7 : करण जोहरने नुकताच अभिनेत्री सारा अली खान (Sara Ali Khan) आणि अभिनेता कार्तिक आर्यन (Kartik Aaryan) यांच्या रिलेशशिप स्टेटसचा खुलासा केला आहे.
Koffee With Karan 7 : छोट्या पडद्यावरचा लोकप्रिय शो ‘कॉफी विथ करण’च्या (Koffee With Karan 7) सातव्या पर्वाला सुरुवात झाली आहे. या शोमधून अनेक सेलिब्रिटी त्यांच्या आयुष्यातील गुपितं उघड करत असतात. या शोच्या 7व्या पर्वाच्या पहिल्या एपिसोडमध्ये अभिनेता रणवीर सिंह (Ranveer Singh) आणि अभिनेत्री आलिया भट्ट (Alia Bhatt) हे दोघे हजेरी लावणार आहेत. या शोचे प्रोमो देखील प्रचंड चर्चेत आले आहेत. दरम्यान, शोच्या प्रमोशनवेळी करण जोहरने अभिनेत्री सारा अली खान (Sara Ali Khan) आणि अभिनेता कार्तिक आर्यन (Kartik Aaryan) यांच्या रिलेशशिप स्टेटसचा खुलासा केला आहे.
नुकतीच या शोच्या प्रमोशनसाठी करण जोहरने (Karan Johar) एक मुलाखत दिली. या मुलाखतीमध्ये करण जोहरने या शोच्या मागील पर्वांबाद्द्ल आणि शोच्या इतिहासाबद्दल चर्चा केली. यावेळी बोलताना करण म्हणाला, माझ्या या शोने बॉलिवूडमध्ये अनेक जोड्या जमवल्या. तो म्हणतो की, माझ्याच शोच्या मंचावर आलिया भट्ट आणि रणबीर कपूर यांची जोडी जमली आणि आता त्यांनी लग्न केले आहे. लवकरच ते आई-बाबा होणार आहेत.
अन् ते दोघे रिलेशनशिपमध्ये आले!
करण म्हणाला, याच शोच्या मंचावर कतरिना कैफ आणि अभिनेता विकी कौशल यांनी आपल्या मनातील भावना मांडल्या होत्या. आता ही जोडी देखील लग्नबंधनात अडकली आहे. इतकेच नव्हे तर त्याने यावेळी असे देखील सांगितले की, अभिनेत्री सारा अली खान हिने कार्तिक आर्यनविषयी असलेल्या आपल्या मनातील भावना बोलून दाखवल्या होता. यानंतर ते दोघे नात्यात होते. करण जोहरच्या या खुलाशानंतर सगळ्याच चाहत्यांना आश्चर्याचा धक्का बसला आहे.
कार्तिक आणि साराच्या नात्याची चर्चा!
2019 दरम्यान ‘कॉफी विथ करण’ या शोमध्ये सारा अली खान हिने म्हटले होते की, तिला अभिनेता कार्तिक आर्यन याच्यासोबत डेटवर जायला आवडेल. यानंतर दोघांमध्ये जवळीक वाढताना दिसली होती. अशातच दोघांनी ‘लव आज कल’ हा चित्रपटही केला. या चित्रपटामध्ये दोघांची जोडी झळकली होती. मात्र, हा चित्रपट सपाटून आपटला. या चित्रपटाच्या अपयशानंतर दोघांमध्ये दुरावा येऊ लागला आणि ते वेगळे झाले. मात्र, दोघांनीही कधी याविषय चकार शब्दही काढलेला नाही.
हेही वाचा:
महत्त्वाच्या बातम्या
