Koffee With Karan 7 : '...लग्नानंतर पहिल्या रात्री'; कॉफी विथ करणमधील आलियाच्या वक्तव्यानं भुवया उंचावल्या
कॉफी विथ करणच्या सातव्या सिझनच्या प्रोमोमध्ये रणवीर आणि आलिया करणसोबत गप्पा मारताना दिसत आहेत.
Koffee With Karan 7 : बॉलिवूडमधील प्रसिद्ध दिग्दर्शक करण जोहरचा (Karan Johar) कॉफी विथ करण (Koffee With Karan) या लोकप्रिय टॉक शोमध्ये वेगवेगळे सेलिब्रिटी हजेरी लावतात. या कार्यक्रमाचा सातवा सिझन लवकरच प्रेक्षकांच्या भेटीस येणार आहे. या सिझनच्या पहिल्या एपिसोडमध्ये अभिनेता रणवीर सिंह (Ranveer Singh) आणि अभिनेत्री आलिया भट (Alia Bhatt) हे हजेरी लावणार आहेत. कॉफी विथ करणच्या या नव्या सिझनच्या पहिल्या एपिसोडचा प्रोमो हा सध्या सोशल मीडियावर व्हायरल होत आहे. या प्रोमोमध्ये रणवीर आणि आलिया करणसोबत गप्पा मारताना दिसत आहेत.
आलियाचं वक्तव्य चर्चेत
कॉफी विथ करणचा होस्ट करण जोहर हा या शोमध्ये आलेल्या पाहूण्यांना वेगवेगळे प्रश्न विचारत असतो. यावेळी शोमध्ये आलेल्या आलियाला करणनं काही खास प्रश्न विचारले. त्यावेळी आलियानं दिलेल्या उत्तरानं अनेकांचे लक्ष वेधले. करणनं लग्नाबाबत एक प्रश्न आलियाला विचारला. त्यावेळी आलियानं उत्तर दिलं, 'लग्नानंतर 'सुहागरात' अशी कोणतीही गोष्ट नसते कारण तुम्ही थकलेले असता.' आलियाच्या या वक्तव्यानं अनेकाचे लक्ष वेधले.
पाहा व्हिडीओ:
View this post on Instagram
आलिया आणि रणबीरनं 14 एप्रिल 2022 रोजी लग्नगाठ बांधली. आलिया आणि रणबीरनं लग्नाआधी एकमेकांना पाच वर्ष डेट केले. ‘ब्रह्मास्त्र’ च्या सेटवर आलिया आणि रणबीरची पहिली भेट झाली. लवकरच आलिया आणि रणबीरच्या घरी चिमुकल्या पाहूण्याचे आगमन होणार आहे. आलियानं एक फोटो शेअर करुन चाहत्यांना गूड न्यूज दिली. आलियाचा लवकरच डार्लिंग्स हा चित्रपट प्रेक्षकांच्या भेटीस येणार आहे. हा चित्रपट नेटफ्लिक्स या ओटीटी प्लॅटफॉर्मवरून प्रेक्षकांच्या भेटीस येणार आहे.
कॉफी विथ करणच्या सातवा सिझनमध्ये रॅपीड फायर राऊंडसोबतच कॉफी बिंगो, मॅश्ड अप हे गेम्स देखील खेळले जाणार आहेत. समंथा, टायगर श्रॉफ, अक्षय कुमार, सारा अली खान, कियारा अडवाणी, आलिया भट आणि रणवीर सिंह हे कलाकार कॉफी विथ करणच्या सातव्या सिझनमध्ये सहभागी होणार आहेत. सात जुलै रोजी हा शो प्रेक्षकांच्या भेटीस येणार आहे.
हेही वाचा:
महत्त्वाच्या बातम्या
