Adil Khan Durrani: आदिल दुर्रानीच्या अडचणीत वाढ; इराणी तरुणीकडून एफआयआर दाखल, लैंगिक अत्याचाराचा आरोप

म्हैसूरमध्ये एका तरुणीनं आदिलच्या (Adil Khan Durrani) विरोधात एफआयआर दाखल केला आहे. या तरुणीने आदिलवर बलात्काराचा आरोप केला आहे.

Adil Khan Durrani

Adil Khan Durrani: प्रसिद्ध अभिनेत्री राखी सावंतचा (Rakhi Sawant) पती आदिल खान दुर्रानी (Adil Khan Durrani) हा गेल्या काही दिवसांपासून चर्चेत आहेत. त्याच्या अडचणी वाढ झाली आहे. आदिलच्या विरोधात म्हैसूरमध्ये एका तरुणीनं एफआयआर दाखल केला आहे. म्हैसूरमधील व्हीव्ही पुरम पोलीस ठाण्यात आयपीसीच्या कलम  376 अंतर्गत आदिलच्या विरोधात एफआयआर नोंदवण्यात आला आहे. एका इराणी तरुणीने आदिलवर बलात्काराचा आरोप केला आहे. आदिलची पत्नी राखी सावंतने दाखल केलेल्या फसवणुकीच्या गुन्ह्यामुळे आदिल सध्या कोठडीत आहे. आदिल विरोधात हा दुसरा एफआयआर आहे. सध्या तो 14 दिवसांच्या न्यायालयीन कोठडीत आहे. 

तरुणीनं केली तक्रार

'इंडिया टुडे'ने दिलेल्या वृत्तानुसार, इराणमधील एका तरुणीनं आदिलवर असा आरोप केला आहे की, जेव्हा ती म्हैसूरमध्ये त्याच्यासोबत राहत होती तेव्हा त्याने लग्नाचं आमिष दाखवून तिच्यावर बलात्कार केला. मुलीने सांगितले की, तिने पाच महिन्यांपूर्वी आदिलला लग्न करण्याबाबत विचारले असता त्याने नकार दिला. आदिलचे अनेक मुलींसोबत संबंध असल्याचे देखील त्या तरुणीनं सांगितले. या तरुणीनं आदिलवर काही गंभीर आरोप केले आहेत. 

तरुणीनं पोलिसांकडे तक्रार करु नये, यासाठी आदिल खानने तिला धमकावले आणि तिचे इंटिमेट फोटो पाठवून ब्लॅकमेल केले, असं तक्रारीमध्ये त्या तरुणीनं सांगितलं आहे. आदिलविरुद्ध आयपीसी कलम  376, 420, 417, 504 आणि 506 अंतर्गत एफआयआर नोंदवण्यात आला आहे.

अंधेरी (Andheri) कोर्टाने 8 फेब्रुवारी रोजी आदिलला न्यायालयीन कोठडी सुनावली आहे. राखी सावंतनं ओशिवरा पोलीस स्टेशनमध्ये आदिल खान दुर्रानीच्या विरोधात गुन्हा दाखल केला होता. याच प्रकरणांमध्ये ओशिवरा पोलिसांनी आदिल खानला काल (7 फेब्रुवारी) संध्याकाळी अटक केली होती. 

राखीनं काही दिवसांपूर्वी आदिल खान दुर्रानीसोबत (Adil Khan Durrani) लग्न केले. राखीने आदिल खानसोबतचे फोटो सोशल मीडियावर शेअर करुन तिच्या विवाहाची माहिती चाहत्यांना दिली. सोशल मीडियाच्या माध्यामातून राखी ही तिच्या वैयक्तिक आयुष्याची माहिती तिच्या चाहत्यांना देते. 

विविध कार्यक्रमांमधून राखी प्रेक्षकांच्या भेटीस येत असते. बिग बॉस-14 (Bigg Boss-14), नच बलिये, बिग बॉस-15 (Bigg Boss 15) आणि बिग बॉस मराठी-4 या कार्यक्रमांमधून राखी प्रेक्षकांच्या भेटीस आली होती. राखी तिच्या विनोदी शैलीने नेहमीच प्रेक्षकांचे मनोरंजन करते. राखी तिच्या विविध विषयांवरील वक्तव्यांमुळे देखील चर्चेत असते.  

वाचा इतर महत्वाच्या बातम्या: