NMACC इव्हेंटमध्ये शाहरुख-गौरीचं भांडण? सोशल मीडियावर चर्चेला उधाण; व्हिडीओ व्हायरल
NMACC या इव्हेंटमधील एक व्हिडीओ सोशल मीडियावर व्हायरल झाला आहे. या व्हिडीओमध्ये अभिनेता शाहरुख (Shah Rukh Khan) आणि त्याची पत्नी गौरी (Gauri Khan) हे दोघे दिसत आहेत.
Shah Rukh Khan-Gauri: मुंबईतील वांद्रे कुर्ला कॉम्प्लेक्समध्ये नीता मुकेश अंबानी यांच्या क्लचरल सेंटरचा (Nita Mukesh Ambani Cultural Center) उद्धाटन सोहळा पार पडला. दोन दिवस हा सोहळा सुरु होता. या सोहळ्याला बॉलिवूडबरोबच हॉलिवूडमधील कलाकरांनी देखील हजेरी लावली. अभिनेता रणवीर सिंह (Ranveer Singh), शाहरुख खान (Shah Rukh Khan), वरुण धवन (Varun Dhawan) या कलाकारांनी NMACC इव्हेंटमध्ये विविध गाण्यांवर डान्स केला. या इव्हेंटमधील एक व्हिडीओ सोशल मीडियावर व्हायरल झाला आहे. या व्हिडीओमध्ये अभिनेता शाहरुख आणि त्याची पत्नी गौरी (Gauri Khan) हे दोघे एकमेकांसोबत बोलताना दिसत आहेत.
शाहरुख आणि गौरी यांचा NMACC इव्हेंटमधील एक व्हिडीओ व्हायरल झाला आहे. या व्हिडीओमध्ये दोघे बोलताना दिसत आहे. व्हिडीओमध्ये शाहरुखचे हावभाव पाहून इव्हेंट दरम्यान शाहरुख आणि गौरीचं भांडण झालं होतं का? असा प्रश्न अनेक नेटकऱ्यांना पडला आहे.
नेटकऱ्यांच्या कमेंट्स
गौरी आणि शाहरुखच्या व्हायरल व्हिडीओला अनेक नेटकऱ्यांनी कमेंट्स केल्या. या व्हिडीओला एका नेटकऱ्यानं कमेंट केली, 'इतक्या लोकांसमोर एका पार्टीत तो तिच्यावर का ओरडत आहे, बऱ्याच स्त्रियांशी इतका चांगला वागणारा हा सज्जन माणूस आहे. हा व्हिडीओ पाहून वाईट वाटत आहे.' तर दुसऱ्या युझरनं व्हिडीओवर कमेंट केली, 'तो गौरीवर चिडला आहे का?'
पाहा व्हिडीओ:
View this post on Instagram
काही महिन्यांपूर्वी शाहरुखचा पठाण हा चित्रपट प्रेक्षकांच्या भेटीस आला. या चित्रपटानं बॉक्स ऑफिसवर धुमाकूळ घातला. या चित्रपटात शाहरुखसोबतच, दीपिका पादुकोण (Deepika Padukone) आणि जॉन अब्राहम (John Abraham) यांच्यासोबतच डिंपल कपाडिया आणि आशुतोष राणा यांनी देखील प्रमुख भूमिका साकारली आहे. शाहरुख लवकरच जवान आणि डंकी या चित्रपटांमधून प्रेक्षकांच्या भेटीस येणार आहे.
'नीता मुकेश अंबानी कल्चरल सेंटर' हे मुंबईतील वांद्रा कुर्ला कॉम्प्लेक्समधील जिओ सेंटरमध्ये बनवण्यात आलं आहे. हे देशातलं सर्वात मोठं कलाकेंद्र असल्याचं म्हटलं जात आहे. या कल्चरल सेंटरच्या माध्यमातून भारतीय संस्कृती जोपासली जाणार आहे.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
