Boyz 4 : गौरव मोरे ते पार्थ भालेराव; 'बॉईज 4'मध्ये झळकणार दमदार कलाकारांची फळी

Boyz 4 : 'बॉईज 4' या सिनेमात दमदार कलाकारांची फळी झळकणार आहे.

Boyz 4

Boyz 4 : 'बॉईज 4' (Boyz 4) हा सिनेमा लवकरच प्रेक्षकांच्या भेटीला येणार आहे. या सिनेमाची घोषणा झाल्यापासून प्रेक्षक या सिनेमाची प्रतीक्षा करत आहेत. आता या सिनेमाचं नवं पोस्टर आऊट झालं आहे. त्यावरुन 'बॉईज 4' या सिनेमात दमदार कलाकारांची फळी दिसणार असल्याचं स्पष्ट होत आहे. 

'बॉईज','बॉईज 2','बॉईज 3' या तिन्ही सिनेमांनी बॉक्स ऑफिसवर धुमाकूळ घातला आहे. आता या बॉईजची धमाल चौपट पटीने वाढणार आहे. 'बॉईज 4' हा सिनेमा लवकरच प्रेक्षकांच्या भेटीला येणार आहे. या सिनेमातील कलाकारांनी आपल्या सहकलाकारांचे पोस्टर सोशल मीडियावर शेअर करत असतानाच अखेर सर्वांचे असे एक पोस्टर नुकतेच झळकले आहे. त्यामुळे आता 'बॉईज 4'मध्ये या मोठ्या गँगची धमाल पाहायला मिळेल.

सुमंत शिंदे (Sumant Shinde), पार्थ भालेराव (Parth Bhalerao) आणि प्रतिक लाड (Pratik Lad) यांच्यासोबत बॉईजमध्ये झळकलेली ऋतिका श्रोत्री ‘बॅाईज 4’मध्येही दिसणार असून यात अभिनय बेर्डे, निखील बने, गौरव मोरे, रितुजा शिंदे, जुई बेंडखळे ही नवी गॅंगही सहभागी झाली आहे. या व्यतिरिक्त या चित्रपटात गिरीष कुलकर्णी, यतीन कार्येकर, समीर धर्माधिकारी आणि ओम पाटील यांच्याही प्रमुख भूमिका आहेत. त्यामुळे जबरदस्त कलाकारांची ही फळी तुफान मस्ती करताना दिसणार आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Gaurav More (@im_gaurav_more20)

‘बॅाईज’ हा मराठी सिमेसृष्टीतील पहिला चित्रपट आहे, ज्याचे चार भाग आले आहेत आणि यातील प्रत्येक भागात काहीतरी सरप्राईज होते. आता ‘बॅाईज 4’ मध्येही कलाकारांची जबरदस्त फळी दिसत आहे. आता यात कोणाच्या काय व्यक्तिरेखा आहेत आणि कोण काय काय धमाल करणार आहेत, हे मात्र 20 ऑक्टोबरला ‘बॉईज’ आल्यावरच कळेल. 

सुप्रीम मोशन पिक्चर्स प्रा. लि. प्रोडक्शन अंतर्गत एव्हरेस्ट एंटरटेनमेंटसह अवधूत गुप्ते प्रस्तुत या चित्रपटाचे लालासाहेब शिंदे, राजेंद्र शिंदे, संजय छाब्रिया निर्माते आहेत तर विशाल सखाराम देवरूखकर दिग्दर्शित या चित्रपटाचे लेखन हृषिकेश कोळी यांनी केले आहे. 

दिग्दर्शक विशाल देवरूखकर म्हणतात,"आतापर्यंत धैर्या, ढुंग्या आणि कबीरची मस्ती तुम्ही पाहिली आता ही मस्ती आणखी वाढणार आहे. ‘बॅाईज 4’ मल्टीस्टारर फिल्म आहे त्यामुळे यांची मस्तीही मल्टीपल होणार आहे. शाळा, ज्युनियर कॅालेज नंतरचा ‘बॅाईज’चा हा डिग्रीचा प्रवास सुरू होणार आहे."

संबंधित बातम्या