Prabhas Padmavat Kissa: फक्त किंग खानसोबतचीच नाही, तर प्रभासनं नाकारलेली रणवीरसोबतची फिल्म; 'पद्मावत'मध्ये झालेला 'हा' रोल ऑफर
अभिनेता रणवीर सिंहनं 'पद्मावत'मध्ये आपल्या दमदार अभिनयानं लोकांची मनं जिंकली. पण तुम्हाला माहीत आहे का? या चित्रपटात साऊथचा सुपरस्टार प्रभासही दिसणार होता. पण त्यानं ऑफर नाकारली, कारण काय?
Prabhas Padmavat Kissa: संजय लीला भन्साली (Sanjay Leela Bhansali) यांचा 'पद्मावत' (Padmaavat) हा चित्रपट बॉलिवूडमधील (Bollywood) बंपर हिट चित्रपटांपैकी एक. हा चित्रपट इतिहासात डोकावतो. या चित्रपटातील सर्वच व्यक्तिरेखांनी उत्तम भूमिका साकारल्यात, त्यामुळे सर्वच व्यक्तिरेखा प्रेक्षकांच्या पसंतीस उतरल्या आहेत. पण तुम्हाला माहीत आहे का? या चित्रपटातील रतन सिंह यांच्या भूमिकेसाठी शाहीद कपूर निर्मात्यांची पहिली पसंती नव्हता. खरंतर, बाहुबली पाहिल्यानंतर भन्साळींना या भूमिकेसाठी प्रभासला (Prabhas) कास्ट करायचं होतं. पण प्रभासनं दीपिकासोबत स्क्रिन शेअर करण्यास त्यावेळी स्पष्ट नकार दिला होता.
शाहिदच्या आधी प्रभासला रतन सिंह यांची भूमिका ऑफर
संजय लीला भन्साळी यांच्या पद्मावतनं बॉक्स ऑफिसवर आपला दबदबा निर्माण केला होता. या चित्रपटानं 300 कोटींहून अधिक कमाई केली होती. या चित्रपटात रणवीर सिंह, दीपिका पदुकोण आणि शाहिद कपूरसह अनेक दिग्गज कलाकारांनी काम केलं होतं. या ब्लॉकबस्टर चित्रपटातून रणवीर सिंहच्या रूपानं इंडस्ट्रीला एक नवा स्टार मिळाला होता.
शाहिद कपूरनं पद्मावत चित्रपटात महारावल रतन सिंह यांची भूमिका साकारली होती. मीडिया रिपोर्ट्सनुसार, भन्साळी यांना या भूमिकेसाठी प्रभासला कास्ट करायचं होतं. 'बाहुबली' चित्रपटातील प्रभासच्या अभिनयानं भन्साळी खूपच प्रभावित झाले होते. पण, प्रभासनं पद्मावतमध्ये काम करण्यास स्पष्ट नकार दिला.
दीपिकामुळे प्रभासनं चित्रपट नाकारला?
दरम्यान, जेव्हा प्रभासला पद्मावत चित्रपट ऑफर करण्यात आला, तेव्हा तो बाहुबलीच्या सिक्वेलची तयारी करत होता. प्रभासला भन्साळींसारख्या दिग्गज दिग्दर्शकासोबत काम करायचं होतं, पण त्याला रणवीर आणि दीपिकासारखी महत्त्वाची भूमिका हवी होती. त्याला रतन सिंगची भूमिका फारशी आवडली नाही, शेवटी प्रभासनं या चित्रपटासाठी नकार दिला, त्यानंतर भन्साळींनी शाहिद कपूरला हा चित्रपट ऑफर केला. शाहीदनं पडद्यावर ही भूमिका साकारली, शाहीदची भूमिका प्रेक्षकांना प्रचंड आवडली.
किंग खानसोबतचा चित्रपटही प्रभासनं नाकारला
प्रभास हा साऊथ इंडस्ट्रीमधील बड्या कलाकारांपैकी एक. अनेक चित्रपटांमध्ये प्रभासनं आपल्या अभिनयानं ठसा उमटवला आहे. अनेक निर्माते प्रभाससाठी मोठी रक्कम मोजायला तयार असतात. साऊथचा यशस्वी अभिनेता असूनही प्रभासनं आजपर्यंत एकाही बॉलिवूड चित्रपटात काम केलेलं नाही. अलिकडेच पठाणच्या दिग्दर्शकानं प्रभासला एका आगामी बॉलिवूडपटाची ऑफर दिली होती. यामध्ये शाहरुख खानदेखील झळकणार होता. पण, त्यानं ऑफर नाकारली. मीडिया रिपोर्ट्सनुसार, अलिकडेच त्यानं दिग्दर्शक सिद्धार्थ आनंदच्या एका मोठ्या चित्रपटाची ऑफर नाकारली. या चित्रपटात शाहरुख खानसोबत प्रभास दिसणार होता, पण प्रभासनं स्पष्ट नकार कळवला. तो म्हणाला की, त्याला मल्टीस्टाररपेक्षा लीड रोल असलेले चित्रपट करायला आवडतात.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
