Kangana Ranaut कडून तापसी पन्नूचा 'She-Man' असा उल्लेख; नेटकऱ्यांकडून टीकेची झोड, त्यानंतर कंगनाची सारवासारव 

बॉलिवूड अभिनेत्री कंगना रनौतने (Kangana Ranaut) अभिनेत्री तापसी पन्नूचा (Tapsee Pannu) उल्लेख  'She-Man' असा करून तिची खिल्ली उडवण्याचा प्रयत्न केला. सोशल मीडियावर झालेल्या टीकेनंतर तिने आपली बाजू सावरण्याचा प्रयत्न केला.

Kangana Ranaut_Tapsee Pannu

नवी दिल्ली : बॉलिवूड अभिनेत्री कंगना रनौत आपल्या वादग्रस्त विधानाबद्दल नेहमी चर्चेत असते. आता अभिनेत्री तापसी पन्नूबद्दल बोलताना तिची जीभ घसरली असून तिने तापसी ही 'She-Man' असल्याचं सांगितलं आहे. तिच्या या वक्तव्यावर सोशल मीडियात टीकेची झोड उडाल्यानंतर तिने आपली बाजू सावरण्याचा प्रयत्न केला.

ट्विटरवरील एका ट्वीटमध्ये अभिनेत्री तापसी पन्नू ही अभिनेत्री कंगना रनौतची स्वस्त कॉपी असल्याचं म्हटलं होतं. तसेच तिच्यावर टीकाही करण्यात आली होती. त्या ट्वीटला रिप्लाय देताना कंगनाची जीभ घसरली. कंगना म्हणाली की, "She-Man आज खूप खुश असेल." त्यावर कंगनाने हास्याचा इमोजीही टाकला होता. 

 

Ha ha ha She-man will be very happy today .... 😂

— Kangana Ranaut (@KanganaTeam) April 24, 2021

आता कंगनाच्या या ट्वीटनंतर तिच्यावर टिकेची झोड उडाली. अनेकांनी तिच्याकडून असल्या ट्वीटची अपेक्षा नसल्याचं सांगितलं. आपल्या या ट्वीटवर नेटकऱ्यांकडून होणारा विरोध लक्षात घेता कंगनाने सारवासारव करण्याचा प्रयत्न केला. आणखी एका ट्वीटच्या माध्यमातून कंगना म्हणाली की, "She-Man असणं काही चुकीचं आहे का? मला वाटतंय की तापसीच्या मजबूत लूकची ही स्तुती आहे, तुम्ही नकारात्मक का विचार करताय हे मला समजत नाही."

 

Being a she man is cheap ? How rude Nayan.... I think it’s a compliment for her tough looks ... why you thinking only negative I don’t understand...

— Kangana Ranaut (@KanganaTeam) April 24, 2021

कंगनाने आपल्या वक्तव्याबद्दल माफी मागितलीच नाही तर उलट तिच्यावर टीका करणाऱ्यांनाच तिने आपण कसे बरोबर आहोत आणि आपल्या वक्तव्याचा कसा चुकीचा अर्थ लावला गेला हे सांगण्याचा प्रयत्न केला. 

महत्वाच्या बातम्या :