स्वर मंगेश...मास्टर दीनानाथ यांच्या स्वरप्रवासातील खास आठवणी एबीपी माझावर
मास्टर दीनानाथ मंगेशकर यांच्या 79व्या पुण्यतिथीनिमित्त एबीपी माझावर आज रात्री 9 वाजता 'स्वर मंगेश' हा खास माहितीपट पाहायला मिळणार आहे.
मुंबई : ज्येष्ठ नाट्य कलावंत मास्टर दीनानाथ मंगेशकर यांच्या 79व्या पुण्यतिथीनिमित्त एबीपी माझावर आज रात्री 9 वाजता 'स्वर मंगेश' हा खास माहितीपट पाहायला मिळणार आहे. साक्षात गानसम्राज्ञी लता मंगेशकर आणि संगीत नाट्यसृष्टीतील एका जमान्यातल्या दिग्गजांकडून मास्टर दीनानाथ मंगेशकर यांची महती ऐकायला मिळणार आहे.
दीनानाथ स्मृती प्रतिष्ठानच्या वतीने दरवर्षी विविध क्षेत्रातील मान्यवरांना 'मास्टर दीनानाथ मंगेशकर स्मृती पुरस्कार' देण्यात येतो. परंतु कोरोनामुळे मागील दोन वर्षांपासून या कार्यक्रमाचं आयोजन झालेलं नाही. त्यामुळए यंदा दीनानाथ मंगेशकर यांच्या पुण्यतिथीला त्यांचा संगीत-नाट्य क्षेत्रातील प्रवास उलगडण्याचा प्रयत्न मंगेशकर कुटुंबीयांनी केला आहे. त्याचं प्रसारण 'एबीपी माझा'वर आज रात्री 9 वाजता होणार आहे..
या कार्यक्रमाचं खास आकर्षण म्हणजे भारतरत्न लता मंगेशकर आपल्या बाबांबद्दलच्या आठवणींना उजाळा देणार आहेत. शिवाय संगीत नाट्यसृष्टीतील एका जमान्यातल्या दिग्गजांकडून दीनानाथ मंगेशकर यांची महती ऐकायला मिळणार आहे. त्याचबरोबर दीनानाथांच्या लहानपणापासूनची दुर्मिळ छायाचित्रेही या माहितीपटात आहेत.
मास्टर दीनानाथ मंगेशकर स्मृती पुरस्कार जाहीर
दीनानाथ स्मृती प्रतिष्ठानच्या वतीने देण्यात येणारे वर्ष 2020 साठीचे मास्टर दीनानाथ मंगेशकर स्मृती पुरस्कार आज त्यांच्या 79व्या स्मृतीदिनी जाहीर करण्यात आले आहेत. वैद्यकीय क्षेत्रासाठी डॉ. प्रतित समधानी, डॉ. अश्विन मेहता, डॉ. राजीव शर्मा, डॉ. जनार्दन निंबाळकर, डॉ. निशित शहा तर अभिनयासाठी ज्येष्ठ अभिनेत्री शर्मिला टागोर, प्रेम चोपडा, नाना पाटेकर यांना पुरस्कार जाहीर झाला आहे. याशिवाय ज्येष्ठ कवी-गीतकार संतोष आनंद, ज्येष्ठ संगीतकार प्यारेलाल शर्मा, ज्येष्ठ संगीतकार मीना खडिकर, ज्येष्ठ गायिका-संगीतकार उषा मंगेशकर यांच्यासह वृत्तपत्र पत्रकारितेसाठी दै. सामनाचे कार्यकारी संपादक शिवसेना नेते खासदार संजय राऊत यांनाही या पुरस्काराने सन्मानित करण्यात येणार आहे. एक लाख 11 हजार रुपये आणि स्मृतीचिन्ह असं या पुरस्काराचं स्वरुप आहे.
स्वरसम्राज्ञी दीदींकडून मास्टर दीनानाथांच्या
— ABP माझा (@abpmajhatv) April 24, 2021
स्वरप्रवासातील खास आठवणी...
पाहायला विसरू नका स्वर मंगेश
आज रात्री 9 वाजता
फक्त एबीपी माझावर! #latamangeshkar #abpmajha @mangeshkarlata pic.twitter.com/pnmf1ZRFfS
महत्त्वाच्या बातम्या
