Janhvi Kapoor South Debut: ‘धडक गर्ल' जान्हवी कपूरची साऊथमध्ये एण्ट्री, Jr NTRसोबत स्क्रीन शेअर करणार!

Janhvi Kapoor New Film : ज्युनियर एनटीआरच्या पुढील चित्रपटाबाबत अद्याप कोणतीही अधिकृत घोषणा झालेली नाही. परंतु, साऊथ सुपरस्टारच्या चित्रपटाबाबत चर्चा नक्कीच सुरू झाली आहे.

Janhvi_Kapoor_01

Janhvi Kapoor : साऊथ सुपरस्टार ज्युनियर एनटीआर (Jr NTR) सध्या त्याच्या ‘आरआरआर’ (RRR) चित्रपटामुळे सतत चर्चेत असतो. अलीकडेच अशाही बातम्या आल्या की, ज्युनियर एनटीआर चित्रपट दिग्दर्शक बुची बाबूसोबत त्याच्या पुढच्या चित्रपटावर काम सुरु करणार आहे. ज्युनियर एनटीआरच्या पुढील चित्रपटाबाबत अद्याप कोणतीही अधिकृत घोषणा झालेली नाही. परंतु, साऊथ सुपरस्टारच्या चित्रपटाबाबत चर्चा नक्कीच सुरू झाली आहे. ज्युनियर एनटीआरच्या आगामी चित्रपटात बॉलिवूडची ‘धडक गर्ल’ म्हणजेच जान्हवी कपूर (Janhvi Kapoor) अभिनेत्री म्हणून झळकणार असल्याची चर्चा सुरु आहे.

मीडिया रिपोर्ट्सनुसार, ज्युनियर एनटीआर आणखी एका पॅन इंडिया चित्रपटाची तयारी करत आहे. RRR रिलीज होण्याआधीची प्रेक्षकांची उत्सुकता पाहून साऊथ सुपरस्टारने आणखी एक मोठा पॅन इंडिया चित्रपट बनवण्याची तयारी सुरू केली आहे. अशा परिस्थितीत निर्मात्यांना चित्रपटात बॉलिवूड अभिनेत्रीची एण्ट्री हवी आहे.

भूमिकेसाठी जान्हवीच योग्य!

या चित्रपटाच्या मेकर्सना जान्हवी कपूरला ज्युनियर एनटीआरच्या नवीन चित्रपटात कास्ट करायचे आहे. चित्रपटाच्या संकल्पनेनुसार निर्माते जान्हवी कपूरला या भूमिकेसाठी योग्य मानत आहेत. मात्र, जान्हवी कपूरने चित्रपटासाठी होकार दिला आहे की, नाही याबाबत अद्याप कोणतीही माहिती समोर आलेली नाही.

अभिनेत्रीकडे चित्रपटांची रांग

ज्युनियर एनटीआरला ‘आरआरआर’च्या यशाबद्दल आत्मविश्वास आहे, म्हणूनच त्याने पुढील चित्रपटाची तयारी देखील सुरू केली आहे. जान्हवी कपूरच्या वर्कफ्रंटबद्दल बोलायचे झाले तर, अभिनेत्रीने ‘धडक’ चित्रपटातून बॉलिवूडमध्ये पदार्पण केले. जान्हवी कपूरने अलीकडेच ‘मिली’ नावाच्या चित्रपटाचे शूटिंग पूर्ण केले आहे. इतकंच नाही तर, अभिनेत्रीकडे आता ‘दोस्ताना 2’, ‘गुड लक जेरी’, ‘मिस्टर आणि मिसेस माही’सारखे चित्रपट आहेत. 

इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha