Salman Khan : सलमान खान हाजीर हो... भाईजानला अंधेरी न्यायालयाचं समन्स; पत्रकाराला धमकावल्याचा आरोप

Salman Khan Summoned By Andheri Court : तीन वर्षांपूर्वी पत्रकाराला धमकावल्याच्या प्रकरणात सलमान खानला हजर राहण्याचे आदेश अंधेरी न्यायालयाने दिले आहेत.

Salman Khan Summoned By Andheri Court

Salman Khan Summoned By Andheri Court : बॉलिवूडचा दबंग सलमान खानच्या (Salman Khan) अडचणींमध्ये काहीशी वाढ झाली आहे. बॉलिवूड अभिनेता सलमान खानला अंधेरी महानगर दंडाधिकारी न्यायालयानं (Andheri Court) समन्स बजावलं आहे. पत्रकाराला धमकावल्याचा सलमान आणि त्याच्या बॉडीगार्डवर आरोप करण्यात आला आहे. 

तीन वर्षांपूर्वी पत्रकाराला धमकावल्याच्या प्रकरणात सलमान खानला हजर राहण्याचे आदेश अंधेरी न्यायालयानं दिले आहेत. सलमान खानसोबत त्याचा बॉडीगार्ड नवाज इक्बाल शेख यांना 5 एप्रिलला न्यायालयात हजर राहण्याचं समन्स बजावण्यात आलं आहे. तीन वर्षांपूर्वी मुंबईच्या रस्त्यावर सायकल रपेट मारणाऱ्या सलमानचा व्हिडीओ व्हायरल झाला होता. सलमान सायकल चालवत असताना त्याचा व्हिडीओ काढण्याचा प्रयत्न पत्रकार अशोक पांडे यांनी केला होता. मात्र त्यावेळी सलमान आणि त्याच्या बॉडीगार्डनं असभ्य वर्तन करत त्यांच्या हातातून त्यांचा मोबाईल हिसकावून घेतल्याचा आणि त्यांना धमकी दिल्याचा आरोप पांडे यांनी केला होता. या प्रकरणी त्यांनी सलमान विरोधात तक्रार दाखल केली होती. सध्या अंधेरी न्यायालयात यावर सुनावणी सुरू आहे. 

दरम्यान, बॉलिवूड अभिनेता सलमान खान न्यायालयात हजर राहणार की, नाही, हे पाहणं महत्त्वाचं ठरणार आहे. 

पाहा व्हिडीओ : सलमान खान हाजीर हो! अंधेरी न्यायालयाचं समन्स

प्रकरण नेमकं काय? 

सलमान अंधेरीच्या डी. एन. नगर परिसरात सायकल चालवत असताना अशोक पांडे यांनी त्याच्या जवळपास 15 ते 20 मिनिटं त्याचा पाठलाग करत व्हिडीओ काढला. यावेळी सलमान खान आणि त्याचा बॉडिगार्डसोबत अशोक पांडे यांचा वाद झाला. या वादानंतर पत्रकार अशोक पांडे यांनी तक्रार दाखल केली. व्हिडीओ काढत असल्यानं सलमानला राग आला. त्यानंतर त्यानं मोबाईल हिसकावून घेतला. त्यानंतर आपल्याला शिवीगाळही केली, असा आरोपही पांडे यांनी केला आहे.

महत्त्वाच्या इतर बातम्या : 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह | ABP Majha