Salman Khan, Chiranjeevi : ‘आता प्रेक्षकांना मॅजिकल किक मिळणार!’, चिरंजीवीच्या ‘गॉडफादर’मध्ये सलमान खानची एण्ट्री!
Godfather Movie : सलमान साऊथ सुपरस्टार चिरंजीवीच्या (Chiranjeevi) ‘गॉडफादर’ (Godfather) या चित्रपटात दिसणार आहे.
Salman Khan : बॉलिवूड सुपरस्टार सलमान खान (Salman Khan) सध्या अनेक मोठ्या प्रोजेक्टमध्ये व्यस्त आहे आणि याशिवाय त्याच्या कॅमिओच्या बातम्याही खूप चर्चेत आहेत. काही दिवसांपासून अशी चर्चा होती की, सलमान साऊथ सुपरस्टार चिरंजीवीच्या (Chiranjeevi) ‘गॉडफादर’ (Godfather) या चित्रपटात दिसणार आहे. याबद्दल सर्व चाहते खूप उत्सुक होते आणि अधिकृत घोषणेची वाट पाहत होते. आता चाहत्यांची ही प्रतीक्षा संपली आहे.
खुद्द चिरंजीवीनेच ‘गॉडफादर’मध्ये सलमान खानच्या एण्ट्रीची घोषणा ट्विटद्वारे केली आहे. या चित्रपटातून सलमान खान जोरदार धमाका करताना दिसणार आहे. साऊथच्या चित्रपटात तो पहिल्यांदाच कॅमिओ करणार आहे. या चित्रपटाबाबत अनेक दिवसांपासून सोशल मीडियावर चर्चा सुरू होत्या. या चित्रपटात सलमान खान असल्याच्या बातम्याही अनेकदा आल्या होत्या. मात्र, आता यावर शिक्कामोर्तब झाले आहे.
चिरंजीवीची खास पोस्ट
याची अधिकृत घोषणा करताना चिरंजीवीने लिहिले की, ‘#Godfatherमध्ये, भाई @BeingSalmanKhan आपले स्वागत आहे! तुमच्या एंट्रीने सगळ्यांना उत्साहित केले आहे आणि उत्साहाने आता पुढची पातळी गाठली आहे. तुझ्यासोबत स्क्रीन शेअर करणे, हा खूप आनंददायी क्षण आहे. तुझी एण्ट्री प्रेक्षकांना ती जादुई #KICK देईल.’
चिरंजीवीची ही पोस्ट खूप चर्चेत आली आहे आणि चाहते त्यावर आपल्या प्रतिक्रिया देत आहेत.
सलमानचे कॅमिओ चर्चेत!
‘गॉडफादर’शिवाय सलमान खान ‘पठाण’ आणि ‘लालसिंग चड्ढा’ या चित्रपटात कॅमिओ करताना दिसणार आहे. शाहरुख खान आणि सलमान खानच्या या चित्रपटात त्यांची व्यक्तिरेखा खूपच खास असणार आहे. सध्या सलमान ‘टायगर 3’मध्ये व्यस्त आहे आणि या चित्रपटावर तो खूप मेहनत घेत आहे. त्याला या वर्षाच्या अखेरीस हा चित्रपट पूर्ण करायचा आहे आणि तो 2023च्या सुरुवातीला प्रदर्शित करण्याचा विचार करत आहे.
हेही वाचा :
- Bollywood Films : मोंदीच्या काळात विरोधी पक्षांवर टीका करणारे 'हे' सिनेमे झाले प्रदर्शित
- Mishan Impossible : तापसी पन्नूच्या 'मिशन इम्पॉसिबल' सिनेमाचा ट्रेलर आऊट
- Top Gun Maverick : 'कान्स फिल्म फेस्टिव्हल'मध्ये टॉम क्रूझच्या 'Top Gun Maverick' सिनेमाचा होणार प्रीमिअर
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
and tablets
