(Source: ECI/ABP News/ABP Majha)
Baipan Bhaari Deva: 'सध्या दोनच अजितदादा चर्चेत आहेत. एक पवारांचे आणि दुसरे आमचे!'; केदार शिंदे यांनी शेअर केली खास पोस्ट
नुकतीच केदार शिंदे (Kedar Shinde) यांनी एक खास पोस्ट सोशल मीडियावर शेअर केली आहे. या पोस्टनं अनेकांचे लक्ष वेधले आहे.
Baipan Bhaari Deva: 'बाई पण भारी देवा' (Baipan Bhaari Deva) हा चित्रपट सध्या बॉक्स ऑफिसवर धुमाकूळ घालत आहे. या चित्रपटामधील गाणी, चित्रपटामधील कलाकारांचा अभिनय प्रेक्षकांची मनं जिंकत आहे. या चित्रपटाचं दिग्दर्शन केदार शिंदे (Kedar Shinde) यांनी केलं आहे. नुकतीच केदार शिंदे यांनी एक खास पोस्ट सोशल मीडियावर शेअर केली आहे. या पोस्टनं अनेकांचे लक्ष वेधले आहे.
केदार शिंदे यांनी अजित भुरे यांच्यासोबतचा एक फोटो सोशल मीडियावर शेअर केला आहे. या फोटोला त्यांनी कॅप्शन दिलं, 'आंतर महाविद्यालयीन एकांकिका स्पर्धा. आयएनटी.. 1993. माझी "बॅाम्ब एक मेरी जान" एकांकिका तेव्हा अंतिम फेरीत होती. निकालाची वेळ आणि त्याला लागणारा वेळ! यात हळूहळू पोरं पोरी आरडाओरडा करू लागली.. एकच जयघोष.. भुरे काका पडदा उघडा, पडदा उघडा!!! भुरे काका, ही त्याची माझी पहिली ओळख. पण पुढे व्यावसायिक रंगभूमीवर काम सुरू केलं आणि भुरे काकाचा तो, अजितदादा झाला. सध्या दोनच अजितदादा चर्चेत आहेत. एक पवारांचे आणि दुसरे आमचे! अजित भुरे!! ही प्रस्तावना लिहिली अशासाठी की, #baipanbhaarideva #बाईपणभारीदेवा या सिनेमाच्या निर्मिती प्रक्रियेत या माणसाचा मोठा हात आहे. तो या सिनेमाचा सह निर्माता आहेच पण, या प्रवासात त्याची मला खुप साथ लाभली. गेली ४ वर्ष हा सिनेमा थांबला तेव्हा मला धीर देणारा अजितदादा होता. त्याआगोदर जेव्हा कुणीही निर्माता या सिनेमासाठी तयार होत नव्हता तेव्हा, केदार आपण हा सिनेमा करायचा.. असं म्हणणारा अजितदादा होता. सिनेमा कुणी एकटा करत नाही म्हणून त्याचं यशही एकट्याने घ्यायचं नसतं. ते कृतघ्नपणाचं लक्षण आहे. स्वामींचे आभार की, ते विविध रूपात माझ्या पाठीशी आहेत. आता उद्या आणखी एक महत्त्वाची व्यक्ती!! जीच्या मुळे ही कल्पना निर्माण झाली.'
View this post on Instagram
रोहिणी हट्टंगडी,वंदना गुप्ते,दीपा परब, सुकन्या कुलकर्णी,सुचित्रा बांदेकर, सुरुची अडारकर, शिल्पा नवलकर आणि शरद पोंक्षे या कलाकारांनी बाईपण भारी देवा या चित्रपटात काम केलं आहे.
संंबंधित बातम्या
महत्त्वाच्या बातम्या
ट्रेंडिंग न्यूज
