Amitabh Bachchan Cryptic Post : "चले भैया"; अभिषेक-ऐश्वर्याच्या घटस्फोटाच्या चर्चांमध्ये बिग बींची क्रिप्टीक पोस्ट चर्चेत, चाहत्यांची चिंता वाढली

Amitabh Bachchan Cryptic Post : अभिषेक बच्चन आणि ऐश्वर्या राय यांच्या घटस्फोटाच्या चर्चांदरम्यान अमिताभ बच्चन यांची पोस्ट चर्चेत आली आहे.

Amitabh Bachchan Cryptic Post

Source : Google

Amitabh Bachchan Post : बॉलिवूडचे मेगास्टार अमिताभ बच्चन हे नेहमी सोशल मीडियावर सक्रिय असतात. बिग बी चाहत्यांसोबत त्यांच्या भावना, किस्से आणि जीवनातील अपडेट्स चाहत्यांसोबत शेअर करत असतात. आता अमिताभ बच्चन यांच्या एका पोस्टने चाहत्यांचं लक्ष वेधलं आहे. एकीकडे अभिषेक बच्चन आणि ऐश्वर्या राय यांच्या घटस्फोटाच्या चर्चा सुरु असताना दुसरीकडे बिग बींसह बच्चन कुटुंबावर सर्वांच्या नजरा आहे. अशात अमिताभ बच्चन यांनी सोशल मीडियावर शेअर केलेली क्रिप्टिक पोस्ट सर्वांच्या नजरेत आली आहे. बिग बींच्या या पोस्टचा नेटकरी वेगवेगळा अर्थ लावत आहेत.

अभिषेक-ऐश्वर्याच्या घटस्फोटाच्या चर्चांमध्ये बिग बी चर्चेत

अभिषेक आणि ऐश्वर्या यांच्या घटस्फोटाच्या अफवांमुळे बच्चन कुटुंब चर्चेत आहे. त्यातच आता अमिताभ बच्चन यांची नवीन पोस्ट चर्चेचा विषय ठरत आहे. अमिताभ बच्चन यांनी  23 ऑक्टोबर रोजी एक्स मीडियावर ट्वीट करत लिहिलं, 'टी 5172- चले भैया...' बिग बींनी ही पोस्ट त्याच्या अंदाजात गुड नाईट म्हणण्यासाठी टाकली असल्याचं काही नेटकऱ्याचं मत आहे. तर काहींच्या मते त्यांच्या वैयक्तिक आयुष्यातील घडामोडींचा या पोस्टशी संबंध असल्याचा तर्कवितर्क नेटकऱ्यांकडून लावला जात आहे.

अमिताभ बच्चन यांची क्रिप्टीक पोस्ट

अमिताभ बच्चन यांनी या पोस्ट आधी अभिषेक बच्चनच्या 'आई वॉन्ट टू टॉक' या आगामी चित्रपटासाठी शुभेच्छा मेसेज लिहिला होता. अभिषेक बच्चनने त्याच्या चित्रपटाचा टीझर शेअर करत कॅप्शनमध्ये लिहिलं होतं की, "आपण अशाच एका व्यक्तीला ओळखतो जिच्यासाठी बोलणं म्हणजे जीवन. आयुष्याच्या चांगल्या बाजूंवर लक्ष केंद्रित करणाऱ्या माणसाची ही कथा आहे, मग जी काही संकटे येतील. बोलण्यासाठी जगणाऱ्या व्यक्तीला टॅग करा". त्यानंतर काही तासांनी अमिताभ यांनी 'चले भैया...' ट्विट केलं. दरम्यान, बिग बींच्या या ट्वीटनंतर चाहतेही संभ्रमात आहेत.

अमिताभ बच्चन यांची चर्चित पोस्ट

महत्त्वाच्या इतर बातम्या :