Amit Antil : छोट्या पडद्यावरील लोकप्रिय अभिनेत्यावर लैंगिक छळाचा गुन्हा दाखल; पोलिसांचा तपास सुरू

Amit Antil : अभिनेता अमित अंतिल विरोधात खंडणी आणि लैंगिक छळाचा गुन्हा दाखल करण्यात आला आहे.

Amit Antil

Amit Antil : मॉडेल आणि छोट्या पडद्यावरील लोकप्रिय अभिनेता अमित अंतिल (Amit Antil) विरोधात लैंगिक शोषण (Sexual Harassment) आणि खंडणीचा गुन्हा (Crime) दाखल करण्यात आला आहे. सध्या पोलीस (Police) या प्रकरणाचा तपास करत आहेत. 

नेमकं प्रकरण काय? What exactly is Amit Antil case?

दक्षिण मुंबईतील एका 42 वर्षीय पीडित महिलेने पोलिसांना दिलेल्या माहितीनुसार, अभिनेत्याने महिलेसोबत अगोदर मैत्री केली. त्यानंतर दोघे एकमेकांना भेटू लागले. या भेटीदरम्यान त्याने गुपचूप तिचे इंटिमेट फोटो (Intimate images) काढले. पुढे त्या फोटोंचा (Photo) वापर करुन त्याने तिला ब्लॅकमेल करायला सुरुवात केली. 

फोटोंचा गैरवापर करण्यासोबत त्याने तिच्याकडून 6.5 लाख (6.5 Lakh) रुपये उकळले. तसेच आणखी 18 लाखांची (18 Lakh) त्याने मागणी केली होती. अमितने त्या महिलेला मुलाचा जीव घेणार असं ब्लॅकमेल (Blackmail) केल्याने पीडित महिला घाबरली. पण त्याने 18 लाखांची मागणी केल्यानंतर तिने पोलिसांकडे जाण्याचा निर्णय घेतला. 

मलबार हिल (Malabar Hill) येथील पोलिसांनी भारतीय दंड संहितेच्या कलम 354 (अ) (लैंगिक छळ), 384 (खंडणी), 417 (फसवणूक), 504 (शांतता भंग करण्याच्या हेतूने अपमान), आणि 506 (गुन्हेगारी धमकी) या कलमांनुसार अमित विरोधात गुन्हा दाखल केला आहे. अमितने पीडित महिलेकडून आधी 95 हजार रुपये घेतले होते. त्यानंतर 5.5 लाख रुपये घेतले. सध्या पोलीस या प्रकरणाचा तपास घेत आहेत.  

अमित अंतिल कोण आहे? (Who Is Amit Antil?)

अमित अंतिल हा हरियाणातील एक कलाकार आहे. छोट्या पडद्यावरील अनेक कार्यक्रमांत तो झळकला आहे. काही मालिकांसह (Serial) सिनेमांतदेखील (Movies) त्याने काम केलं आहे. गुन्ह्यांवर आधारित मालिकांमध्ये त्याने सर्वाधिक काम केलं आहे. महिलेने दिलेल्या तक्रारीनुसार मलबार हिल पोलिसांनी आरोपीवर गुन्हा नोंदवला आहे. लैंगिक शोषण आणि खंडणीचा गुन्हा दाखल झाल्यानंतर अद्याप अभिनेत्याने कोणतीही प्रतिक्रिया दिलेली नाही. महिलेने अभिनेत्यावर केलेले आरोप कितपत खरे आहेत हे लवकरच समोर येईल. 

अमितने इंडियाज गॉट टॅलेंच हा कार्यक्रम चांगलाच गाजवला आहे. तो लवकरच नसीम खानच्या आगामी '65 Minutes Before Death' या सिनेमात झळकणार आहे. या सिनेमात तो दाक्षिणात्य अभिनेत्री कृती गर्गसोबत रोमान्स करताना दिसणार आहे. या सिनेमासाठी तो खूप उत्सुक आहे. 

संबंधित बातम्या