Apurva Nemlekar : 'तू शेवंता केलीस तर काही ग्रेट नाही केलंस...', निर्मात्यांनी सुनावलं अन् अपूर्वाने थेट 'रात्रीस खेळ चाले' मालिकाच सोडली!
Apurva Nemlekar : रात्रीस खेळ चाले ही मालिका अभिनेत्री अपूर्वा नेमळेकर हिने तडकाफडकी सोडली होती. त्याचं कारण अपूर्वाने आता सांगितलं आहे.
Apurva Nemlekar : अभिनेत्री अपूर्वा नेमळेकर (Apurva Nemlekar ) ही 'रात्रीस खेळ चाले' (Ratris Khel Chale) या मालिकेमुळे घराघरांत पोहचली. या मालिकेतील तिच्या शेवंता या भूमिकेमुळे तिने प्रेक्षकांची मनंही जिंकली होती. आजही तिची बऱ्याचदा ओळख शेवंता या पात्रामुळेच होते. पण प्रसिद्धीच्या अगदी टोकावर असतानाच अपूर्वाने रात्रीस खेळ चाले ही मालिका सोडण्याचा निर्णय घेतला होता. त्याविषयी अपूर्वाने नुकतच एका मुलाखतीमध्ये किस्सा सांगितला आहे.
अपूर्वाने नुकतीच राजश्री मराठीला मुलाखत दिली होती. या मुलाखतीमध्ये तिने या मालिकेदरम्यान निर्मात्यांसोबत झालेल्या वादाविषयी सांगितलं आहे. त्याचप्रमाणे ही मालिका तडकाफडकी सोडण्याचं कारणही सांगितलंय.
अपूर्वाने काय म्हटलं?
कोणतं रिजेक्शन जास्त लक्षात राहिलं? असा प्रश्न अपूर्वाला विचारण्यात आला. त्यावर अपूर्वाने म्हटंलं की, 'आजही जेव्हा कुठे जाते तेव्हा लोकं शेवंता म्हणूनच हाक मारतात. पण त्या पात्राला जे रिजेक्शन मिळालं ते सगळ्यात जास्त मनाला लागंल आहे. त्या सिरिअलचे मेकर्स, जे तेव्हा चॅनल हेड होते, त्या मालिकेचे निर्माते त्यांनी मला एका वादांकीत मुद्द्यांमध्ये बोलताना म्हटलं होतं की, तू शेवंता केलीस ते काही ग्रेट नाही केलंस. दुसऱ्या कोणत्याही अभिनेत्रीने ते केलं असतं तर ते छानच केलं असतं. कारण मुळात आमच्या लिखाणात ती मज्जा होती. जेव्हा तुम्ही जीव ओतून काम करत असता तेव्हा ते एका कलाकाराला लागतं.'
पुढे तिने म्हटलं की, 'बारा तासांचा प्रवास, झोप पूर्ण न करणं, हे सगळं करत ते पात्र उभारण्यासाठी तुम्ही एवढी मेहनत घेता आणि तेव्हा तुम्हाला म्हटलं जातं, हे कुणीही करु शकतं.त्यावेळी ते मनाला खूप लागतं. मग माझं असं झालं की, आता ठिक आहे, मला बघायचंचय की कोणती अभिनेत्री इतक्या ताकदीने ही भूमिका साकारते. बरं फार काही नेक्स्ट लेव्हलच्या अपेक्षा नव्हत्या. बेसिक पैश्यांच्या अपेक्षा होत्या, ज्यावर माझं घर चालतं.'
View this post on Instagram
ही बातमी वाचा :
महत्त्वाच्या बातम्या
