Kareena Kapoor Khan : जेव्हा करिनाने सैफविषयी पहिल्यांदा आपल्या बहिणीला सांगितलं, दोघांच्या नात्याबद्दल एकून 'अशी' झाली होती करिश्माची अवस्था
The Great Indian Kapil Show: करिश्मा कपूर आणि करीना कपूर या दोघीही नेटफ्लिक्सवरील कपिल शर्माच्या शोमध्ये सहभागी झाल्या होत्या. येथे करिनाने एक रंजक किस्सा सांगितला.
The Great Indian Kapil Show: बॉलिवूड अभिनेत्री करिश्मा कपूर (Karishma Kapoor) आणि करीना कपूर खान (Kareena Kapoor Khan) नेटफ्लिक्स शो 'द कपिल शर्मा शो'मध्ये सहभागी झाल्या होत्या. करिश्मा कपूरने 'द कपिल शर्मा शो'मध्ये एक रंजक किस्सा सांगितला आहे. करिना आणि करिश्मा यांचं नातं हे सोशल मीडियाच्या माध्यमातून पाहायला मिळतंच. आयुष्यातील अनेक क्षण शेअर करताना दिसतात. पण जेव्हा करिनाने पहिल्यांदा तिच्या आणि सैफ अली खानच्या नात्याविषयी करिश्माला सांगितला तेव्हा करिश्माची काय प्रतिक्रिया होती, हा किस्सा करिनाने सांगितला आहे.
करिनाने जेव्हा करिश्माला हा किस्सा सांगितला तेव्हा ती लंडनमध्ये होती. त्यावेळी करिनाने करिश्माला फोन केला आणि तिला म्हटलं की, मला तुला काहीतरी सांगायचं आहे, त्यामुळे तू कुठेतरी बस... त्यावर करिश्माने म्हटलं की, मी बाहेर आहे, इथे रस्त्यावर बसू का? त्यावर करिनाने म्हटलं की, कोणती शांत जागा असेल तिथे बस...
जेव्हा करिनाने करिश्माला सैफ अली खानविषयी सांगितलं...
करिश्माने तेव्हा एक शांत जागा पाहिली आणि ती तिथे बसली. त्यानंतर तिने करिनाला म्हटलं की, तुला काय सांगायचे आहे ते लवकर सांग, मी बाहेर खरेदीसाठी आलेय. त्यानंतर करिनाने करिश्माला सांगितलं की, माझं सैफ अली खानवर प्रेम आहे आणि तुलाही माहितेय आम्ही एकत्र आहोत.. सध्या आम्ही एकमेकांना डेट करतोय. हे ऐकून करिश्माला मोठा धक्का बसला होता.
करीना कपूर-सैफ अली खानचं 2012 मध्ये झालं होतं लग्न
करीना कपूर आणि सैफ अली खान यांचे 2012 लग्न झालं होतं. त्यांना दोन मुले आहेत, एकाचे नाव तैमूर अली खान आणि दुसऱ्या मुलाचे नाव जेह अली खान आहे. तैमूरचा जन्म 2016 मध्ये झाला आणि जेहचा जन्म 2021 मध्ये झाला. करिश्मा कपूर काही दिवसांपूर्वी नेटफ्लिक्स शो 'मर्डर मुबारक'मध्ये दिसली होती. सध्या ती 'इंडियाज बेस्ट डान्सर' या रिॲलिटी शोला जज करत आहे.करिनाचा 'द बकिंगहॅम मर्डर्स' चित्रपट याआधीच चित्रपटगृहांमध्ये प्रदर्शित झाला आहे. तर तिचा दुसरा चित्रपट 'सिंघम रिटर्न्स' दिवाळीला प्रदर्शित होणार आहे. या चित्रपटात अजय देवगण, दीपिका पदुकोण, रणवीर सिंग, अक्षय कुमार, अर्जुन कपूर आणि टायगर श्रॉफ मुख्य भूमिकेत आहेत.
View this post on Instagram
ही बातमी वाचा :
महत्त्वाच्या बातम्या
ट्रेंडिंग न्यूज
