VIDEO : KBC मध्ये अभिषेक बच्चनने बिग बींसमोर ठेवली 'ही' अट; अमिताभ बच्चन म्हणाले, "याला इथे बोलवून चूक केली"
Abhishek Bachchan in KBC 16 : अभिषेक बच्चन कौन बनेगा करोडपती सीझन 16 मध्ये हजेरी लावणार आहे. शोचा नवीन प्रोमो समोर आला आहे.
Abhishek Bachchan in KBC 16 : बॉलिवूडचे महानायक अमिताभ बच्चन सध्या 'कौन बनेगा करोडपती 16' या शोमध्ये होस्टच्या रुपात दिसत आहे. हा शो छोट्या पडद्यावरील लोकप्रिय शोपैकी एक आहे. या शोच्या सेटवरील मनोरंजक आणि खेळीमेळीच्या वातावरणामुळे प्रेक्षकवर्ग या शोसोबत जोडला गेला आहे. या शोमध्ये दररोज नवनवीन पाहुणे येत असतात. आता ज्युनियर बच्चन म्हणजेच अभिषेक बच्चन कौन बनेगा करोडपती सीझन 16 मध्ये येणार आहे. शोचा नवीन प्रोमो समोर आला आहे.
KBC मध्ये अभिषेक बच्चनची हजेरी
अमिताभ बच्चन यांचा सुपुत्र बॉलिवूड अभिनेता अभिषेक बच्चन केबीसी 16 शोमध्ये पाहुणे म्हणून येणार आहे. अभिषेक बच्चन त्याचा आगामी 'आय वॉन्ट टू टॉक' या चित्रपटाच्या प्रमोशनसाठी शोमध्ये हजेरी लावणार आहे. अभिषेक बच्चन आणि अमिताभ बच्चन यांना खूप काळानंतर एकत्र पाहण्यास प्रेक्षक फार आतूर आहेत. या शोचा प्रोमो पाहून प्रेक्षकांची उत्सुकता शिगेला पोहोचली आहे. 'KBC 16' च्या नवीन प्रोमोमध्ये अभिषेक आणि अमिताभ लोकांचं मनोरंजन करताना दिसत आहेत.
अमिताभ बच्चन म्हणाले, "याला इथे बोलवून चूक केली"
अभिषेक बच्चन स्टारार दिग्दर्शक शुजित सरकारच्या 'आय वॉन्ट टू टॉक' या चित्रपटाचा ट्रेलर नुकताच प्रदर्शित झाला. हा ट्रेलर प्रेक्षकांच्या पसंतीस उतरला आहे आणि त्याला चाहत्यांकडून भरभरून प्रेम मिळताना दिसत आहे. अभिषेक बच्चन त्याच्या आगामी चित्रपटाच्या प्रमोशनसाठी केबीसी शोमध्ये हजेरी लावणार आहे.
केबीसी 16 मध्ये अभिषेकची मस्ती
अभिषेक केबीसी शोमध्ये येऊन खूप धमाल करणार असल्याचं प्रोमोवरून स्पष्ट झालं आहे. यावेळी अभिषेकने सांगितलं की, 'आमच्या घरात संपूर्ण कुटुंब एकत्र बसून जेवते आणि जेव्हा कोणी प्रश्न विचारतो तेव्हा सर्व मुले एकत्र येतात आणि ओरडतात, सात करोड. हे सांगताना अभिषेकने अमिताभ यांची हुबेहूब कॉपीही केली. अभिषेक बच्चनने बिग बींची केलेली नक्कल पाहून शोमध्ये उपस्थित प्रेक्षकांमध्ये हशा पिकला.
अभिषेकने अमिताभ यांच्यासमोर ठेवली 'ही' अट
प्रोमोमध्ये अभिषेक अमिताभ बच्चन यांच्यासमोर एक अट ठेवतो. प्रोमोमध्ये अभिषेक म्हणतो की, तो सात कोटी जिंकल्या शिवाय कुठेही जाणार नाही. अभिषेकची मस्ती पाहून अमिताभ हसतात आणि म्हणतात की, "याला इथे बोलावून मी खूप मोठी चूक केली!"
पाहा प्रोमो
View this post on Instagram
महत्त्वाच्या इतर बातम्या :
सलमान खानबद्दल अश्नीर ग्रोवरचं वक्तव्य व्हायरल होताच नेटकऱ्यांनी केलं ट्रोल; 'भाईजान समोर माज उतरला'
महत्त्वाच्या बातम्या
