Sada Sarvankar: सदा सरवणकरांना भर मंचावर अश्रू अनावर; माहीममध्ये जाहीर सभेत नेमकं काय घडलं?, Video
Maharashtra Vidhan Sabha Election 2024: सदा सरवणकर मंचावर बसलेले असताना मुलीच्या भाषणाने त्यांना अश्रू अनावर झाले.
Sada Sarvankar Mahim Vidhan Sabha मुंबई: मुंबईतील माहीम विधानसभा मतदारसंघातील महायुतीचे आणि शिवसेना शिंदे गटाचे उमेदवार सदा सरवणकर (Sada Sarvankar) यांची काल प्रभादेवी येथे जाहीर सभा झाली. या सभेत सदा सरवणकर यांची मुलगी प्रिया सरवणकर-गुरव यांच्या भाषणाने भावूक झाल्याचे पाहायला मिळाले. सदा सरवणकर मंचावर बसलेले असताना मुलीच्या भाषणाने त्यांना अश्रू अनावर झाले.
माझ्या वडिलांचा मी लहाणपणापासून प्रवास बघितला. माझा जन्म जेव्हा झाला, त्यावेळी संप सुरु होता. त्यावेळी माझ्या मुलांना दूध मिळायला हवं, त्यासाठी ते कामाला जात होते. मला अभिमान आहे त्यांनी शून्यातून आज एक मिल कामगार काय करू शकतो, हे दाखवून दिले. मेहनतीने, जिद्दीने आणि हिंदुहृदयसम्राट बाळासाहेब ठाकरे यांच्या आशीर्वादाने आज पुन्हा सदा सरवणकर उमेदवार म्हणून उभे आहेत. सदा सरवणकरांनी संघटना कशी वाढवली हे सगळ्यांनी पाहिलं आहे, असंही प्रिया सरवणकर यांनी सांगितले.
सदा सरवणकर काय म्हणाले?
संजय राऊत यांचा राजकीय प्रवास हा बाळासाहेबांनंतरचा आहे. जेव्हा जेव्हा सामनावर किंवा संजय राऊतांवर काँग्रेसवाले मोर्चे घेऊन यायचे तेव्हा हा आम्हाला फोन करायचा...संजय राऊत कधीही शिवसैनिक नव्हता, हा फक्त सामनाचा संपादक होता. गेल्या विधानसभेच्या निवडणुकीत भाजप-शिवसेनेच्या माध्यमातून मतं मागितली आणि शेवटच्या क्षणी अभद्र महाविकास आघाडी झाली, अशी टीका सदा सरवणकरांनी केली. 2019 साली माझ्या मागे पहिलं कोणी लागलं ते म्हणजे आदित्य ठाकरे असा दावाही सदा सरवणकरांनी केला.
मुंबईकरांना गृहित धरणाऱ्यांना जागा दाखवण्याची गरज- श्रीकांत शिंदे
खासदार श्रीकांत शिंदेकडून फोनवरून सभेला संबोधित केले. पंधरा वर्षे सदा सरवणकर यांनी आपली सेवा करत आहे. एका प्रामाणिक शिवसैनिकांच्या मागे उभे राहण्याचं काम मुख्यमंत्री एकनाथ शिंदे यांनी केलं. लोकसभेला आपण पाहिलंत मंत्रीपद देताना मुलाला मंत्रीपद न देता, सामान्य शिवसेनेच्या खासदराला मंत्रीपद दिलं. गेली अनेक वर्ष मुंबई ज्यांच्या हातात होती. त्यांनी काय केलं, मुंबईत घरंचा प्रश्न महत्वाचा आहे. रखडलेले प्रकल्प मार्गी लावण्याचं काम मुख्यमंत्री यांनी केलं. मुंबईकरांना हक्कांची घरं दिली. ज्यांनी मुंबईकरांना गृहित धरलं अशांना जागा दाखवण्याची गरज आहे, असं श्रीकांत शिंदे म्हणाले.
सदा सरवणकर यांच्या लेकीने सभा गाजवली, Video:
संबंधित बातमी:
महत्त्वाच्या बातम्या
