Sangamner Assembly Constituency Balasaheb Thorat : मोठी बातमी! काँग्रेसचा मुख्यमंत्रिपदाचा दावेदार पडला, बाळासाहेब थोरात संगमनेरमधून पराभूत
Balasaheb Thorat Sangamner Assembly constituency : अहमदनगर जिल्ह्याच्या राजकारणातील महत्वाचा मतदार संघ म्हणजे संगमनेर विधानसभा.
Maharashtra Assembly Election 2024 : अहमदनगर जिल्ह्यातील बारा विधानसभा मतदारसंघातील निकाल आता समोर येत आहे. शिर्डी मधून भारतीय जनता पक्षाचे ज्येष्ठ नेते राधाकृष्ण विखे पाटील विजयी झाले आहेत. खरंतर शिर्डी हा राधाकृष्ण विखे पाटील यांचा बालेकिल्ला. या ठिकाणी ते पुन्हा निवडणूक जिंकले आहेत. पण संगमनेरच्या बालेकिल्ल्यात काँग्रेसचा मुख्यमंत्रिपदाचा दावेदार पडला आहे.
होय, संगमनेर विधानसभा मतदारसंघात झालेल्या निवडणुकीतून धक्कादायक बातमी समोर येत आहे. काँग्रेसचे मुख्यमंत्रीपदाच्या रेसमध्ये असलेले बाळासाहेब थोरात यांचा पराभव झाला आहे. तर शिवसेना शिंदे गटाचे उमेदवार अमोल खताळ यांनी दणदणीत विजय मिळवला आहे. यावेळी येथे मनसेकडून योगेश सूर्यवंशी देखील रिंगणात होते, पण अटीतटीच्या या तिरंगी लढतीत अमोल खताळ यांनी विजयाचा गुलाल उधाळला.
जिल्ह्याच्या राजकारणातील महत्वाचा मतदार संघ म्हणजे संगमनेर विधानसभा. काँग्रेसचे ज्येष्ठ नेते बाळासाहेब थोरात यांचे संगमनेर मतदार संघात एकहाती वर्चस्व राहिले होते. सहकारमहर्षी भाऊसाहेब थोरात यांच्यानंतर बाळासाहेब थोरात हे १९८५ पासून संगमनेर विधानसभेचे नेतृत्व करत आहेत, त्यामुळे याठिकाणी थोरात म्हणतील तीच पूर्व दिशा असे राजकारण रंगते. पण यंदाच्या निवडणुकीत त्यांना पराभवाचा धक्का बसला आहे.
काँग्रेस नेते बाळासाहेब थोरात हे संगमनेर मतदारसंघातून 1985 पासून 2019 पर्यंत असे सलग आठ वेळा निवडून आले आहेत. 2019 सालच्या विधानसभा निवडणुकीत बाळासाहेब थोरात यांनी शिवसेनेच्या साहेबराव नवले यांचा पराभव केला होता. या निवडणुकीत बाळासाहेब थोरात यांना 1 लाख 25 हजार 380 हजार मते मिळाली होती. तर साहेबराव नवले यांना 63128 मते मिळाली होती.
हे ही वाचा -
Sharad Pawar: राज्यात पवार पॅटर्न फेल, थोरल्या पवारांनी राज्य पिंजून काढलं पण तुतारी वाजलीच नाही
महत्त्वाच्या बातम्या
