Nevasa Assembly Constituency : नेवासा मतदारसंघात लंघे पाटलांचा डंका, माजी मंत्री शंकरराव गडाख यांचा दारुण पराभव
Shankarrao Gadakh vs Vitthal Vakilrao Maharashtra Assembly Election 2024 : सहकारातून ग्रामोन्नती आणि संतांची भूमी म्हणून अहमदनगर जिल्ह्याची ओळख आहे.
Shankarrao Gadakh vs Vitthal Vakilrao Langhe Nevasa Assembly Constituency 2024 : सहकारातून ग्रामोन्नती आणि संतांची भूमी म्हणून अहमदनगर जिल्ह्याची ओळख आहे. सहकारासोबतच राज्याच्या राजकारणातही अहमदनगर जिल्ह्याचा प्रभाव आहे. अहमदनगर जिल्ह्याच्या राजकारणातील आणखी एक महत्वाचा विधानसभा मतदार संघ म्हणजे नेवासा. नेवासा तालुक्यामध्ये सहकार क्षेत्रातील मोठे नाव असलेले शंकरराव गडाख यांची सत्ता आहे. जिल्ह्यातील नेवासा विधानसभा मतदारसंघातील निकालही आता समोर आला आहे. येथून महायुती शिवसेना शिंदे गटाचे उमेदवार विठ्ठल वकीलराव लंघे (Vitthal Vakilrao Langhe) पाटील विजयी झाले आहेत. तर महाविकास आघाडीचे ठाकरे गटाचे माजी मंत्री उमेदवार शंकरराव गडाख (Shankarrao Gadakh) यांचा पराभव झाला आहे.
विठ्ठल वकीलराव लंघे पाटील यांना 95 हजार 444 मते मिळालीत तर ठाकरे गटाचे शंकरराव गडाख यांना 91 हजार 423 मते मिळालीत. अर्थातच लंघे पाटील 4 हजार 21 मतांनी निवडणूक जिंकली. प्रहार जनशक्ती पार्टीचे बाळासाहेब मुरकुटे यांना 35 हजार 331 मते मिळालीत. शंकरराव गडाख हे काही राऊंड मध्ये पुढे होते, मात्र विठ्ठल लंघे यांनी नंतर आघाडी घेत बाजी मारली.
याआधी २०१४ च्या निवडणुकीत भाजपच्या उमेदवाराने गडाख यांचा पराभव केला होता. मात्र पुढच्याच पंचवार्षिकला गडाख यांनी या पराभवाचा वचपा काढला. सध्या भाजपकडून उमेदवारीसाठी माजी आमदार बाळासाहेब मुरकुटे, जिल्हाअध्यक्ष विठ्ठलराव लंघे उत्सुक आहेत. दुसरीकडे राष्ट्रवादी काँग्रेस अजित पवार गटाचे युवा नेते अब्दुल शेख यांनी देखील नेवासा विधानसभा मतदारसंघावर दावा केलाय. त्यामुळे भाजप नेमकं कुणाला रिंगणात उतरवणार, याकडे सगळ्यांचं लक्ष लागलेलं आहे.
२०१९ मध्ये नेवासा विधानसभा मतदारसंघात राष्ट्रवादी काँग्रेस विरूद्ध भाजप अशी चुरशीची लढत झाली होती. राष्ट्रवादी कॉंग्रेसचे शंकरराव यशवंतराव गडाख १,१६,९४३ मतांनी विजयी झाले. तर भाजपचे बाळासाहेब उर्फ दादासाहेब दामोधर मुरकुटे हे ३०.६६३ मतांनी पराभूत झाले होते .नेवासा विधानसभा मतदारसंघात २०१४ च्या विधानसभा निवडणुकीत भाजपने विजयाचा झंडा फडकवला होता. २०१४ मध्ये भाजप आणि राष्ट्रवादी कॉंग्रेसमध्ये अटीतटीची लढत झाली होती. यावेळी मात्र भाजपने विजयाचा गुलाल उधळला होता.
हे ही वाचा -
महत्त्वाच्या बातम्या
