Maharashtra Lok Sabha Election Result LIVE : लोकसभा निवडणूक निकालानंतर महाराष्ट्रात मोठ्या राजकीय घडामोडी
Lok Sabha Election Results 2024 Live Updates Maharashtra: लोकसभा निवडणूक निकालानंतर महाराष्ट्रात मोठ्या राजकीय घडामोडी घडत आहेत. महाराष्ट्रात महाविकास आघाडीने 30 जागांवर यश मिळवत महायुतील धक्का दिला.
Background
Maharashtra Lok Sabha Election Results 2024 Live Updates: मुंबई : लोकसभा निवडणूक 2024 निकाल जाहीर झाले. महाराष्ट्रातील निकालांनी सर्व देशालाच अवाक् केलंय, असं म्हटलं तरी वावगं ठरणार नाही. निकालांनुसार, अनेक दिग्गज नेत्यांना या निवडणुकीत धक्का बसल्याचं पाहायला मिळतंय. विशेष म्हणजे, गेल्या दोन लोकसभा निवडणुकांमध्ये एकहाती सत्ता मिळवणाऱ्या भाजपला मोठा दणका बसला आहे. तर, महाराष्ट्रभरात महाविकास आघाडीचा बोलबाला असल्याचं पाहायला मिळतंय. गेल्या निवडणुकांमध्ये महाराष्ट्रात 23 जागा मिळवणाऱ्या भाजपला यंदा केवळ 9 जागांवर विजय मिळवता आला आहे.
महाराष्ट्रात मविआनं महायुतीला धोबीपछा़ड केलंय. महाराष्ट्रात महाविकास आघाडीला 30 जागा मिळाल्या आहेत. तर महायुतीला 17 जागांवर यश मिळालंय. तर सांगलीत अपक्ष विशाल पाटलांचा विजय झालाय. महाराष्ट्रात फोडाफोडीच्या राजकारणाला जनतेनं मतदानातून सडेतोड उत्तर दिल्याचं बघायला मिळतंय. 13 जागा जिंकत काँग्रेस सर्वात मोठा पक्ष ठरलाय.. यंदा राज्यात काँग्रेसची दमदार कामगिरी केली. तर मुंबईत ठाकरेच किंग ठरले आहेत.
महाराष्ट्रातील यंदाची लोकसभा निवडणूक इतर निवडणुकांपेक्षा वेगळी असल्याचं पाहायला मिळालं. यंदाच्या निवडणुकीत उमेदवारांपेक्षा उद्धव ठाकरे, शरद पवार, अजित पवार, देवेंद्र फडणवीस, एकनाथ शिंदे अशा दिग्गज नेत्यांची प्रतिष्ठा पणाला लागल्याचं संपूर्ण महाराष्ट्रानं पाहिलं. दुसरीकडे देशात 400 पारचा नारा देणारा भाजपचा विजय रथ मात्र, 300 च्या आतच थांबला.
आता पंतप्रधान मोदींनी आपला राजीनामा राष्ट्रपतींकडे सोपवला असून सतरावी लोकसभा विसर्जित झाल्याचं पाहायला मिळतंय. अशातच मोदींनी सत्तास्थापनेचा दावा केला असून लवकरच शपथविधी सोहळा पार पडणार आहे. तर दुसरीकडे इंडिया आघाडीकडून रणिनीत आखली जात आहे.
महाराष्ट्रासाठी यंदाची निवडणूक तशी फारच वेगळी होती. गेली दोन वर्ष महाराष्ट्रानं अनेक राजकीय भूकंपांचा सामना केला आहे. अशातच शिवसेना आणि राष्ट्रवादी काँग्रेस यांच्यातील फुटीमुळे देखील यंदाची निवडणूक फार वेगळी ठरली. यंदा राज्यात शिवसेना विरुद्ध शिवसेना म्हणजेच, एकनाथ शिंदे विरुद्ध उद्धव ठाकरे आणि राष्ट्रवादी विरुद्ध राष्ट्रवादी म्हणजेच, शरद पवार विरुद्ध अजित पवार अशा लढती पाहायला मिळाल्या.
देशासह राज्यातील सर्व लोकसभा निवडणुकांचे निकाल जाहीर झालेत. अनेक मतदारसंघात दिग्गजांना मोठा धक्का बसला आहे, तर अनेक ठिकाणी अटीतटीची लढत पाहायला मिळाली.
परफेक्ट आणि फास्ट निकाल तुम्हाला 'एबीपी माझा'वर पाहायला मिळतील. पाहा सर्व अपडेट्स एका क्लिकवर...
देवेंद्र फडणवीस आणि अमित शाह यांची भेट
नवी दिल्ली : देवेंद्र फडणवीस आणि अमित शाह यांची दिल्लीमध्ये भेट झाली. सरकारमधून बाहेर पडण्याच्या फडणवीसांच्या भूमिकेवर दोन्ही नेत्यांमध्ये सविस्तर चर्चा झाली. त्याशिवाय राज्यातील पराभवाच्या कारणांवर सविस्तर चर्चा झाली. फडणवीसांनी रचनात्मक काम करण्याची इच्छा अमित शाह यांना बोलून दाखवल्याचं समोर आलेय. राजीनाम्याबाबत अद्याप निर्णय झालेला नाही.
अपक्ष खासदार विशाल पाटील यांचा काँग्रेसला पाठिंबा
सांगलीचे नवनिर्वाचित अपक्ष खासदार विशाल पाटील आणि काँग्रेसचे नेते विश्वजीत कदम हे सोनिया गांधी यांची भेट घेण्याकरिता दिल्लीतील त्यांच्या 10 जनपथ या बंगल्यावर दाखल झाले आहेत. अपक्ष खासदार विशाल पाटील यांनी नुकतीच दिल्लीत काँग्रेस अध्यक्ष मल्लिकार्जुन खर्गे यांची भेट घेऊन आपण काँग्रेसला पाठिंबा देत असल्याचं पत्र दिल आहे.
महत्त्वाच्या बातम्या
