NEET UG 2022 Admit Card: नीट यूजी परीक्षेसाठी उद्या जारी होणार प्रवेशपत्र, जाणून घ्या संपूर्ण माहिती

NEET UG 2022 Admit Card: नॅशनल टेस्टिंग एजन्सीद्वारे (NTA) घेण्यात येणार्‍या नॅशनल एलिजिबिलिटी कम एन्ट्रन्स टेस्ट (NEET-UG 2022) साठी प्रवेशपत्र जारी होण्याची विद्यार्थी बऱ्याच दिवसांपासून वाट पाहत आहे.

NEET UG 2022 Admit Card

NEET UG 2022 Admit Card: नॅशनल टेस्टिंग एजन्सीद्वारे (NTA) घेण्यात येणार्‍या नॅशनल एलिजिबिलिटी कम एन्ट्रन्स टेस्टसाठी (NEET-UG 2022) प्रवेशपत्र जारी होण्याची विद्यार्थी बऱ्याच दिवसांपासून वाट पाहत आहेत. अखेर एनटीएने  प्रवेशपत्र जारी करण्याची तारीख जाहीर केली आहे. यासाठी एनटीएने अधिकृत वेबसाइट nta.nic.in वर एक अधिसूचना जारी केली आहे. ज्या अंतर्गत NEET UG 2022 परीक्षेचे प्रवेशपत्र 12 जुलै रोजी सकाळी 11:30 पासून जारी केले जाईल, अशी माहिती देण्यात आली आहे. प्रवेशपत्र डाउनलोड करण्यासाठी एनटीएकडून लिंक उपलब्ध करून दिली जाणार आहे.

यावेळी NEET UG 2022 परीक्षेसाठी 18 लाखांहून अधिक उमेदवारांनी नोंदणी केली आहे. 17 जुलै रोजी परीक्षा होणार आहे. यासाठी परीक्षेसाठी उमेदवार थेट लिंकद्वारे प्रवेशपत्र पाहू शकतील. ते डाउनलोड करण्यासाठी त्यांना त्यांचा अर्ज क्रमांक, जन्मतारीख आणि सुरक्षा पिन वापरावे लागेल. प्रवेशपत्राच्या हार्डकॉपीशिवाय उमेदवारांना परीक्षा केंद्रात प्रवेश करता येणार नाही.

असं डाउनलोड करा प्रवेशपत्र

• अधिकृत वेबसाइटला भेट द्या - neet.nta.nic.in.
• त्यानंतर NEET-UG 2022 अॅडमिट कार्ड लिंकवर क्लिक करा.
• तुमचा अर्ज क्रमांक किंवा इतर आवश्यक तपशीलांसह लॉग इन करा.
• अॅडमिट कार्ड डाउनलोड करा आणि प्रिंटआउट काढा.

परीक्षा 13 भाषांमध्ये घेतली जाईल परीक्षा

नीट परीक्षा 91,415 मेडिकल, 26,949 डेंटल दंत, 52,720 आयुष आणि 603 पशुवैद्यकीय जागांसाठी घेतली जाणार आहे. ही परीक्षा 13 भाषांमध्ये घेतली जाणार आहे. बीएससी नर्सिंग आणि लाइफ सायन्स अभ्यासक्रमांसाठीही नीट (NEET) स्कोअरचा उपयोग होणार आहे.

इतर महत्वाच्या बातम्या: