कार खरेदी करायची असेल तर घाई करा, बर्‍याच कंपन्या किंमती वाढवण्याच्या तयारीत

टाटा मोटर्स व्यतिरिक्त बीएमडब्ल्यूने आपल्या सर्व मॉडेल्समध्ये दोन टक्क्यांची वाढ जाहीर केली आहे. उत्पादन खर्चात वाढ झाल्यामुळे किंमत वाढविण्याचा निर्णय घ्यावा लागेल, असे कंपनीने म्हटले आहे.

नवीन वर्षात तुम्ही कार खरेदी करण्याचा विचार करत असाल तर ही बातमी तुमच्यासाठी महत्वाची आहे. कारण, कार्स निर्मिती करणाऱ्या अनेक कंपन्या त्यांच्या वाहनांची किंमत वाढवण्याच्या तयारीत आहेत.

टाटा मोटर्सने म्हटले आहे की अलिकडच्या काळात कच्च्या मालाच्या किंमतीत वाढ झाल्याने त्यांच्यावर दबाव वाढला आहे. जागतिक बाजारात पोलाद आणि तांबे यांचे दर वाढल्याचे कंपनीचे म्हणणे आहे. याशिवाय देशांतर्गत बाजारात बीएस 6 उत्सर्जनाच्या अनिवार्य मानदंडांमुळे कंपनीची किंमतही वाढली आहे. वाहनांची किंमत वाढविणे त्यांच्या मॉडेल, इंधन, इंजिनवर आधारित असेल.

टाटा मोटर्स आणि बीएमडब्ल्यू किंमती वाढवतील

टाटा मोटर्स व्यतिरिक्त बीएमडब्ल्यूने आपल्या सर्व मॉडेल्समध्ये दोन टक्क्यांची वाढ जाहीर केली आहे. उत्पादन खर्चात वाढ झाल्यामुळे किंमत वाढविण्याचा निर्णय घ्यावा लागेल, असे कंपनीने म्हटले आहे. इसुझू मोटर्सनेही नवीन वर्षात किंमती वाढवण्याची घोषणा केली आहे. कंपनीचे म्हणणे आहे की त्याचा इनपुट आणि वितरण खर्च वाढला आहे.

मारुतीने आधीच किंमत वाढ जाहीर केली आहे यापूर्वी मारुती सुझुकी, रेनो, होंडा, महिंद्रा अँड महिंद्रा आणि फोर्ड यांनी किंमत वाढ जाहीर केली होती. परंतु, विश्लेषकांचे म्हणणे आहे की किंमती वाढविण्याच्या त्यांच्या भूमिकेला बगल दिली जाऊ शकते. यातून मारुती आणि रेनो सारख्या कंपन्यांच्या विक्रीतील तेजी कमी होऊ शकते. खरं तर, कोरोना संसर्गामुळे ऑटो मार्केटमध्ये रिकव्हरीची परिस्थिती अद्याप खूपच हळू आहे. अशा परिस्थितीत कंपन्यांना विचारपूर्वक कारची किंमत वाढविण्याचा निर्णय घ्यावा लागेल.

संबंधित बातमी : Stock Market Live: शेअर मार्केटमध्ये तेजी, सेन्सेक्स आणि निफ्टी धोक्याच्या पातळीवर