Petrol Diesel Price: कच्च्या तेलाच्या दरांत वाढ; देशात पेट्रोल-डिझेलचे दरही वाढणार?
Petrol Diesel New Rates: भारतीय तेल कंपन्यांकडून देशात पेट्रोल-डिझेलचे दर जाहीर करण्यात आले आहेत. आजही देशातील पेट्रोल-डिझेलचे दर स्थिर आहेत.
Petrol Diesel New Rates: देशात पेट्रोल आणि डिझेलचे दर (Petrol and Diesel Price) दररोज ठरलेले असतात. तेल कंपन्या रोज सकाळी इंधनाचे नवे दर जाहीर करतात. देशांतर्गत बाजार आणि आंतरराष्ट्रीय बाजारातील कच्च्या तेलाच्या किमतीच्या आधारावर इंधनाची किंमत निश्चित केली जाते. मात्र, काही काळापासून कच्च्या तेलाच्या किमतींत झालेली वाढ आणि घट यामुळे इंधनाच्या दरांत कोणताही बदल झालेला नाही.
आंतरराष्ट्रीय बाजारात कच्च्या तेलाचा WTI प्रति बॅरल 76.68 डॉलरवर व्यापार करत आहे. या तेलात 1.27 टक्के वाढ दिसून आली आहे. त्याच वेळी, ब्रेंट क्रूड ऑइलची (Brent Crude Oil) किंमत प्रति बॅरल 82.64 डॉलर होती, जी 1.29 टक्क्यांनी वाढली आहे.
कच्च्या तेलाच्या किमतीत वाढ होत असताना, 10 मार्च 2023 रोजी सकाळी तेल कंपन्यांनी पेट्रोल आणि डिझेलचे नवीन दर जाहीर केले. पेट्रोल आणि डिझेलच्या ताज्या दरांमध्ये कोणताही बदल झालेला नाही. देशाची राजधानी नवी दिल्लीत पेट्रोलचा दर 96.72 रुपये प्रति लिटर तर डिझेलचा दर 89.62 रुपये प्रति लिटर आहे.
iocl ने जारी केलेल्या दरांनुसार, देशातील सर्वात स्वस्त पेट्रोल पोर्ट ब्लेअरमध्ये आहे, जिथे किंमत 84.10 रुपये आणि डिझेल 79.74 रुपये आहे. पेट्रोल आणि डिझेलच्या किंमती राष्ट्रीय स्तरावर मे 2022 पासून आतापर्यंत जैसे थे आहेत. अशा स्थितीत आंतरराष्ट्रीय बाजारपेठेत पेट्रोल आणि डिझेलच्या दरांमध्ये चढ-उतार होऊनही दर वाढलेले नाहीत किंवा कमीही झालेले नाहीत. अशातच दर किती दिवस स्थिर राहणार, असा प्रश्न उपस्थित होत आहे. कच्च्या तेलाच्या किमतीचा दिल्ली-मुंबईसह देशातील महानगरांतील तेलाच्या किमतींवर कोणताही परिणाम झालेला नाही.
Petrol Diesel Price Today : राज्यात कोणत्या शहरात किती दर?
- नागपूर : पेट्रोल 106.04 रुपये प्रति लिटर, डिझेल 92.59 रुपये प्रति लिटर
- पुणे : पेट्रोल105.84 रुपये प्रति लिटर, डिझेल 92.36 रुपये प्रति लिटर
- कोल्हापूर : पेट्रोल 106.47 रुपये प्रति लिटर, डिझेल 93.01 रुपये प्रति लिटर
- औरंगाबाद : पेट्रोल 108 रुपये, डिझेल 95.96 रुपये प्रति लिटर
- परभणी : 109.45 रुपये प्रति लिटर, डिझेल 95.81 रुपये प्रति लिटर
- नाशिक : पेट्रोल 106.77 रुपये प्रति लिटर, डिझेल 93.27 रुपये प्रति लिटर
पेट्रोल आणि डिझेलचे दर कसे ठरवले जातात?
पेट्रोल आणि डिझेलच्या किंमती ठरवण्यासाठी अनेक घटक जबाबदार असतात. यामध्ये आंतरराष्ट्रीय बाजारात कच्च्या तेलाची किंमत आणि रुपया आणि डॉलरचा दर यांचाही मोठा वाटा आहे. ओपेक प्लस म्हणजे पेट्रोलियम उत्पादक देशांनी केलेल्या उत्पादनात कपात आणि रशिया-युक्रेन युद्धामुळे निर्माण झालेली परिस्थिती यामुळे सध्या पेट्रोल आणि डिझेलचे दर स्थिर आहेत. भारतातील तेल कंपन्यांनी गेल्या काही महिन्यांपासून पेट्रोल आणि डिझेलचे दर कायम ठेवले आहेत.
Petrol Diesel Price Today : तुमच्या शहरांतील पेट्रोल-डिझेलच्या किमती जाणून घ्या
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती (Petrol Diesel Price) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
महत्त्वाच्या बातम्या
ट्रेंडिंग न्यूज
