Koregaon Assembly Elections 2024 : महेश शिंदेंचा कोरेगावात दणदणीत विजय, शशिकांत शिंदेंचा पुन्हा पराभव
Koregaon Assembly Elections 2024 : सातारा जिल्ह्यातील कोरेगाव या विधानसभा मतदारसंघात शशिकांत शिंदे आणि महेश शिंदे यांच्यातील लढतीत महेश शिंदे यांनी बाजी मारली.
Koregaon Assembly Elections 2024 सातारा : सातारा जिल्ह्यातील विधानसभेच्या आठ मतदारसंघांपैकी कोरेगाव हा मतदारसंघ राजकीयदृष्ट्या महत्त्वाचा मानला जातो. कोरेगाव विधानसभा मतदारसंघाची रचना पाहिली असता कोरेगाव आणि सातारा, खटाव तालुक्यातील काही गावांचा यामध्ये समावेश आहे. 2009 मध्ये विधानसभा पुनर्रचना झाल्यानंतर झालेल्या पहिल्या निवडणुकीत राष्ट्रवादी काँग्रेसचे शशिकांत शिंदे या मतदारसंघातून विजयी झाले. 2014 ला देखील त्यांनी विजय मिळवला. 2019 च्या विधानसभा निवडणुकीत शिवसेनेचे महेश शिंदे विजयी झाले. 2024 च्या विधानसभा निवडणुकीत शिवसेनेचे महेश शिंदे विजयी झाले आहेत. महेश शिंदे यांना 146166 मतं मिळाली. तर, शशिकांत शिंदे यांना 101103 मतं मिळाली. महेश शिंदे यांनी 45063 मतांनी विजय मिळवला.
कोरेगावात दोन आमदारांमध्ये लढत
कोरेगाव विधानसभा मतदारसंघात 2019 च्या विधानसभा निवडणुकीत महेश शिंदे विजयी झाले. त्यानंतर काही महिन्यात राष्ट्रवादी काँग्रेसनं शशिकांत शिंदे यांना विधानपरिषदेवर घेतलं. त्यामुळं आता होणारी विधानसभा निवडणूक दोन्ही आमदारांमध्ये होणार आहे. आमदार महेश शिंदे हे जून 2022 मध्ये मुख्यमंत्री एकनाथ शिंदे यांनी केलेल्या बंडावेळी त्यांच्यासोबत होते. दुसरीकडे शशिकांत शिंदे यांनी राष्ट्रवादी काँग्रेसमधील फुटीवेळी शरद पवार यांच्यासोबत राहण्याचा निर्णय घेतला. 2024 च्या निवडणुकीत देखील शशिकांत शिंदे यांना महेश शिंदे यांच्या विरुद्ध पराभव स्वीकारावा लागला आहे.
लोकसभेला उदयनराजे भोसले यांना आघाडी
कोरेगाव विधानसभा मतदारसंघात शशिकांत शिंदे दोनवेळा आमदार राहिले आहेत. महेश शिंदे यांची आमदार म्हणून एक टर्म पूर्ण झाली आहे. आता दोन्ही नेते पुन्हा एकदा कोरेगाव विधानसभा मतदारसंघाच्या मतदारांसमोर जाणार आहेत. दोन्ही नेत्यांना कोरेगाव मतदारसंघात मोठा जनाधार असल्यानं 2019 ची विधानसभा निवडणूक अटीतटीची झाल्याचं आपल्याला पाहायला मिळालं होतं. काही महिन्यांपूर्वी झालेल्या लोकसभा निवडणुकीत देखील उदयनराजे भोसले आणि शशिकांत शिंदे यांच्यात अटीतटीची लढत पाहायला मिळाली होती. उदयनराजे भोसले यांना 103922 मतं मिळाली होती. तर, शशिकांत शिंदे यांना 97087 मतं मिळाली.
कोरेगाव विधानसभा मतदारसंघाचा यापूर्वीचे आमदार
1972 : दत्ताजीराव बर्गे, अपक्ष
1978, 1980,1985, 1990, 1995 : शंकरराव जगताप,काँग्रेस
1999, 2004 : शालिनीताई पाटील, राष्ट्रवादी काँग्रेस
2009, 2014 : शशिकांत शिंदे , राष्ट्रवादी काँग्रेस
2019 : महेश शिंदे , शिवसेना
2024 : महेश शिंदे , शिवेसना
इतर बातम्या :
महत्त्वाच्या बातम्या
