ITR Filing : आयटीआर भरण्याआधी 'हे' काम आवर्जून करा, अन्यथा ऐनवेळी येऊ शकते अडचण!

प्राप्तिकर भरण्यासाठी प्राप्तिकर विभागाच्या संकेतस्थळावर तुमची वैयक्तिक माहिती अपडेट असणे गरजेचे आहे. ही माहिती अपडेट नसेल तर तुम्हाला करपरतावा प्राप्तिकर विवरणपत्र भरताना अडचणी येऊ शकतात.

itr filing e portal personal information updation (फोटो सौजन्य- एबीपी नेटवर्क, फ्रीपिक)

मुंबई : सध्या प्राप्तिकर विवरणपत्र (आयटीआर) भरण्यासाठी करदात्यांची लगबग चालू आहे. 31 जुलै 2024 पर्यंत आयटीआर भरता येणार आहे. दरम्यान, आयटीआर भरताना अनेकांना वेगवेगळ्या अडचणी येतात. आयटीआर फाईल करण्याआधीही काही गोष्टी लक्षात घेणं गरजेचं आहे. यामध्ये पोर्टलवर आपली माहिती अपडेट करणंही तेवढंच महत्त्वाचं आहे. अनेकवेळा करदात्याचा मोबाईल क्रमांक, पत्ता किंवा अन्य माहिती बदलते. त्यामुळे ही वैयक्तिक माहितीही अपडेट करणे गरजेचे आहे. तसे न केल्यास ऐनवेळी अनेक अडचणी येऊ शकतात. 

कोणकोणती माहिती प्राप्तिकर पोर्टलवर अपडेट करता येते? 

प्राप्तिकर विभागाच्या ई-फायलिंग पोर्टलवर लॉग इन करून तुम्ही तुमच्या प्रोफाईलशी संबंधित वेगवेगळी माहिती अपडेट करू शकता.  यामध्ये पत्ता, मोबाईल क्रमांक आदी माहितीचा समावेश आहे. या सर्व माहितीली लॉग इन करून My Profile / Update Profile फीचरअंतर्गत अफडेट करता येते. आपली खासगी माहिती पॅन, टॅन किंवा आधार क्रमांकाच्या मदतीने तर मोबाईल क्रमांक, ई-मेल आयडी तसेच पत्ता बँक डिटेल्सच्या मदतीने अफडेट करता येते. 

खासगी माहिती कशी अपडेट करावी? 

1. खासगी माहिती अपडेट करण्यासाठी अगोदर तुम्हाला प्राप्तिकर विभागाच्या ई-फायलिंग पोर्टलला भेट द्यावी लागेल. तेथे युजर आयडी आणि पासवर्ड टाकून लॉग इन करावे लागेल. 
2. त्यानंतर तुम्हाला नाव आणि प्रोफाईलवर क्लिक करावे लागेल. त्यानंतर अपडेट प्रोफाईल या पर्यायाला निवडावे लागेल.
 3.  तुम्हाला तुमचा फोटो अपडेट करायचा असेल तर Camera Icon वर क्लिक करावे लागेल. त्यानंतर तुम्हाला नवा फोटो अपडेट करता येईल.  
4.  पत्ता, पासपोर्ट नंबर आदी डिटेल्सही तुम्ही येथे तुम्हाला अपडेट करता येतील. 
5. सोअर्स ऑफ इन्कम, बँक खात्याची माहिती, डी-मॅट खात्याची माहिती अशी वेगवेगळी माहिती तुम्हाला येथे अपडेट करता येईल. 

आधार, पॅन क्रमांकाच्या मदतीने मोबाईल क्रमांक अपडेट करा  

1. तुम्हाला मोबाईल क्रमांक बदलायचा असेल तर त्यासाठी अगोदर प्राप्तिकर विभागाच्या ई-फाइलिंग पोर्टलवर जाऊन My Profile पेजवर क्लिक करा. 
2. पुढे Update Contact Details या पर्यायावर क्लिक करा 
3. तुमचा आधार, पॅन किंवा बँक खात्यानुसार तुमचा नवा मोबाईल क्रमांक टाका 
5. पुढे व्हेरिफिकेशनसाठी मोबाईल क्रमांक किंवा ई-मेल आयडीवर ओटीपी येईल.
 6. व्हेरिफिकेशनसाठी हा ओटीपी टाका 
7. बँक डिटेल्सच्या मदतीने व्हेरिफिकेशनचा पर्याय निवडला असेल तर तुमच्या बँक खात्याशी जोडलेल्या मोबाईल क्रमांकावर तुम्हाला ओटीपी येईल. तो ओटीपी टाका. 
8. त्यानंतर मोबाईल क्रमांक अपडेट करण्याची प्रक्रिया पूर्ण होईल. 

हेही वाचा :