FD ग्राहकांना नवीन वर्षापूर्वी मिळालं मोठं गिफ्ट भेट, 'या' बँकांनी वाढवले व्याजदर
ज्या ग्राहकांना बँकांमध्ये एफडी (FD) करायची आहे, त्यांच्यासाठी एक खुशखबर आहे. बँकांनी ग्राहकांना नवीन वर्ष सुरु होण्यापूर्वी एक मोठी भेट दिली आहे.
Bank FD Rates: ज्या ग्राहकांना बँकांमध्ये एफडी (FD) करायची आहे, त्यांच्यासाठी एक खुशखबर आहे. बँकांनी ग्राहकांना नवीन वर्ष सुरु होण्यापूर्वी एक मोठी भेट दिली आहे. गेल्या काही दिवसात अनेक बँकांनी मुदत ठेवींवरील व्याजदरात वाढ केली आहे. यामुळं नवीन वर्षात FD करणाऱ्या ग्राहकांसाठी अधिक फायदेशीर ठरू शकते. गेल्या काही दिवसात अनेक बँकांनी FD वर व्याज वाढवले आहेत.
रिझर्व्ह बँकेने सलग पाचव्यांदा रेपो दर 6.5 टक्के ठेवला आहे, असे असूनही एफडीवरील व्याजदर वाढत आहेत. गेल्या काही दिवसांत सर्वात मोठी सरकारी बँक एसबीआयसह 7 बँकांनी एफडीवरील व्याजदरात वाढ केली आहे. या वाढीमुळं एफडीचे व्याजदर 8 ते 9 टक्क्यांवर पोहोचला आहे.
'या' बँकांनी केली व्याजदरात वाढ
स्टेट बँक ऑफ इंडिया
स्टेट बँक ऑफ इंडिया अर्थात SBI ने मुदत ठेवींवरील व्याजदरात वाढ करून नवीन वर्षात मोठी भेट दिली आहे. बँकेने वेगवेगळ्या कालावधीच्या एफडीवरील व्याजदरात 50 बेसिस पॉइंट्स म्हणजेच 0.50 टक्के वाढ केली आहे. बँक 7 दिवसांपासून ते 10 वर्षांपर्यंतच्या एफडीवर 3.50 टक्के ते 7 टक्के व्याज देत आहे. नवीन दर 2 कोटी रुपयांपेक्षा कमी एफडीसाठी आहेत. बँकेने आपल्या विशेष अमृत कलश एफडी योजनेची अंतिम तारीख 31 मार्च 2024 पर्यंत वाढवली आहे. या 400 दिवसांच्या एफडीमध्ये सामान्य नागरिकांसाठी 7.10 टक्के, तर ज्येष्ठ नागरिकांसाठी 7.60 टक्के व्याज आहे.
बँक ऑफ बडोदा
बँक ऑफ बडोदाने अल्प मुदतीच्या ठेवींवर म्हणजेच FD वर 1.25 टक्क्यांपर्यंत दर वाढवला आहे. यामुळं 7 ते 14 दिवसांच्या एफडीवरील व्याज 3 टक्क्यांवरुन 4.25 टक्के झाले आहे. 15 ते 45 दिवसांच्या एफडीवरील व्याज 1 टक्क्यांनी वाढून 4.5 टक्के झाले आहे. बँक वेगवेगळ्या कालावधीच्या FD वर 4.25 ते 7.25 टक्के व्याज देत आहे.
अॅक्सिस बँक
अॅक्सिस बँकेने 2 कोटी रुपयांपेक्षा कमी मुदत ठेवींवरील व्याजदरात बदल केला आहे. नवीन दर 26 डिसेंबर 2023 पासून लागू होणार आहेत. ताज्या बदलांनंतर, बँक 7 दिवस ते 10 वर्षांच्या FD वर 3 टक्के ते 7.10 टक्के व्याज देत आहे.
युनियन बँक ऑफ इंडिया
युनियन बँक ऑफ इंडियाने वेगवेगळ्या कालावधीच्या एफडीवरील व्याजदरात 0.25 टक्क्यांनी वाढ केली आहे. या पायरीसह, 7 दिवसांपासून ते 10 वर्षांपर्यंतच्या FD वर 3 टक्के ते 7.25 टक्के व्याजदर आहे. 399 दिवसांच्या मुदत ठेवीवर सर्वाधिक व्याज 7.25 टक्के आहे. ज्येष्ठ नागरिकांना सामान्य दरापेक्षा 0.50 टक्के अधिक व्याज मिळत आहे, तर ज्येष्ठ नागरिकांना सामान्य दरापेक्षा 0.75 टक्के अधिक व्याज मिळत आहे.
DCB बँक FD दर
खासगी क्षेत्रातील DCB बँकेने नुकतेच FD व्याजदरात बदल केले आहेत. त्यानंतर सामान्य ग्राहकांना सात दिवस ते 10 वर्षांच्या मुदत ठेवींवर 3.75 टक्के ते 8 टक्के, तर ज्येष्ठ नागरिकांना 4.25 टक्के ते 8.60 टक्के परतावा मिळणार आहे.
फेडरल बँक
फेडरल बँकेने 5 डिसेंबर 2023 पासून व्याजदरात वाढ केली आहे. बँक 7 दिवसांपासून ते 5 वर्षांवरील एफडीवर सर्वसामान्य ग्राहकांना 3 टक्के ते 7.50 टक्के व्याज देत आहे. 500 दिवसांच्या एफडीवर सर्वसामान्य ग्राहकांना 7.50 टक्के तर ज्येष्ठ नागरिकांना 8 टक्के व्याज मिळत आहे.
सूर्योदय स्मॉल फायनान्स बँक
सूर्योदय स्मॉल फायनान्स बँकेने 22 डिसेंबरपासून दर बदलले आहेत. बँक 7 दिवसांपासून ते 10 वर्षांपर्यंतच्या वेगवेगळ्या कालावधीच्या मुदत ठेवींवर 4 ते 8.65 टक्के व्याज देत आहे. सामान्य ग्राहकांना 2 वर्षे आणि 2 दिवसांच्या FD वर 8.65 टक्के वार्षिक व्याज मिळत आहे, तर ज्येष्ठ नागरिकांना 2 वर्ष आणि 3 वर्षांपर्यंतच्या FD वर 9.10 टक्के वार्षिक व्याज मिळत आहे.
महत्त्वाच्या बातम्या:
गुंतवणुकदारांसाठी SBI ची खास योजना, 5 लाखांच्या ठेवीवर 1, 2, 3 वर्षात किती मिळणार लाभ?
महत्त्वाच्या बातम्या
