ED : धनत्रयोदशीच्या दिवशी ईडीची वक्रदृष्टी; हिरो मोटो कॉर्पचे पवन मुंजालयांची 25 कोटींची संपत्ती जप्त
Hero MotoCorp : ईडीने ही कारवाई मनी लाँड्रिंग प्रतिबंधक कायद्यानुसार केली आहे. ईडीच्या कारवाईचे पडसाद शेअर बाजारातही दिसून आले. ई
Pawan Munjal ED Raid : धनत्रयोदशीच्या दिवशी हिरो मोटो कॉर्पचे (Hero Moto Corp) पवनकांत मुंजाल (Pawan Munjal) यांच्यावर ईडीची (ED) वक्रदृष्टी पडली आहे. पवन मुंजाल यांच्या अडचणीत वाढ झाली असून ईडीने मुंजाल यांच्याशी संबंधित तीन स्थावर मालमत्ता जप्त केल्या आहेत. पवन मुंजाल हे हिरो मोटो कॉर्पचे मुख्य व्यवस्थापकीय संचालक आणि अध्यक्ष आहेत. ईडीने मुंजाल यांची दिल्लीतील जवळपास 24.95 कोटींची संपत्ती जप्त केली आहे.
ईडीने ही कारवाई मनी लाँड्रिंग प्रतिबंधक कायद्यानुसार केली आहे. ईडीच्या कारवाईचे पडसाद शेअर बाजारातही दिसून आले. ईडीच्या कारवाईनंतर हिरो मोटोकॉर्पच्या शेअर दरात घसरण झाली आहे.
सक्तवसुली संचालनालयाने (ईडी) शुक्रवारी सांगितले की त्यांनी मनी लॉन्ड्रिंग प्रकरणाच्या चौकशीचा एक भाग म्हणून हिरो मोटोकॉर्पचे कार्यकारी अध्यक्ष पवन कांत मुंजाल यांच्याविरुद्ध 24.95 कोटी रुपयांची मालमत्ता जप्त केली आहे. केंद्रीय तपास एजन्सीने एका निवेदनात म्हटले आहे की, दिल्लीतील मुंजालच्या तीन स्थावर मालमत्ता मनी लाँडरिंग प्रतिबंधक कायद्याच्या (पीएमएलए) तरतुदींनुसार तात्पुरत्या स्वरूपात जप्त करण्यात आल्या आहेत.
ED has attached 03 immovable properties located at Delhi worth Rs. 24.95 Crore (approx.) under the provisions of PMLA, 2002 belonging to Pawan Kant Munjal, CMD & Chairman, M/s Hero MotoCorp Ltd in connection with a money laundering investigation. The total value of seizure and…
— ED (@dir_ed) November 10, 2023
मुंजाल हे हीरो मोटोकॉर्प लिमिटेडचे सीएमडी (अध्यक्ष आणि व्यवस्थापकीय संचालक) आणि अध्यक्ष आहेत आणि त्यांची एकूण संपत्ती सुमारे 24.95 कोटी रुपये आहे. मुंजाल आणि त्यांच्या कंपन्यांविरुद्ध पीएमएलए अंतर्गत गुन्हा नोंदवल्यानंतर ईडीने ऑगस्टमध्ये छापेमारी केली होती. महसूल गुप्तचर संचालनालयाने (डीआरआय) आरोपपत्राची दखल घेतल्यानंतर हा खटला दाखल करण्यात आला होता, ज्यामध्ये त्याच्यावर भारतातून बेकायदेशीरपणे परकीय चलन आणल्याचा आरोप होता.
ईडीने सांगितले की, यंत्रणांनी दाखल केलेल्या तक्रारीत असा आरोप करण्यात आला आहे की 54 कोटी रुपयांचे विदेशी चलन भारतातून बेकायदेशीरपणे बाहेर काढले गेले आहे."
दरम्यान, ईडीच्या कारवाईनंतर हिरो मोटोकॉर्पच्या शेअर्समध्ये घसरण नोंदवण्यात आली. आजच्या व्यवहारात हिरो मोटोकॉर्पच्या शेअर दरात 2.08 टक्क्यांची घसरण दिसून आली.
इतर महत्त्वाच्या बातम्या :
महत्त्वाच्या बातम्या
