![ABP Premium](https://cdn.abplive.com/imagebank/Premium-ad-Icon.png)
NPS : आता मोबाईलवरून QR कोड स्कॅन करून NPS खाते उघडा! जाणून घ्या संपूर्ण पद्धत आणि फायदे
बँक ऑफ इंडियाने पेन्शन नियामक (PFRDA) च्या सहकार्याने एक नवीन डिजिटल प्लॅटफॉर्म लॉन्च केला आहे. या प्लॅटफॉर्मद्वारे, ग्राहक मोबाईल फोन वापरून राष्ट्रीय पेन्शन योजना (NPS) खाते उघडू शकतात.
![NPS : आता मोबाईलवरून QR कोड स्कॅन करून NPS खाते उघडा! जाणून घ्या संपूर्ण पद्धत आणि फायदे Bank of India with PFRDA launches platform for opening NPS account via mobile phone NPS : आता मोबाईलवरून QR कोड स्कॅन करून NPS खाते उघडा! जाणून घ्या संपूर्ण पद्धत आणि फायदे](https://feeds.abplive.com/onecms/images/uploaded-images/2022/06/22/836937fe8bb3b42a6f855dc257943cf4_original.jpg?impolicy=abp_cdn&imwidth=1200&height=675)
NPS : बँक ऑफ इंडियाने पेन्शन नियामक (PFRDA) च्या सहकार्याने एक नवीन डिजिटल प्लॅटफॉर्म लॉन्च केला आहे. या प्लॅटफॉर्मद्वारे, ग्राहक मोबाईल फोन वापरून राष्ट्रीय पेन्शन योजना (NPS) खाते उघडू शकतात. राष्ट्रीय पेन्शन योजना (NPS) ही भारत सरकारने सुरू केलेली सेवानिवृत्ती बचत योजना आहे, ज्याचा उद्देश नागरिकांना आर्थिक सुरक्षा प्रदान करणे आहे.
कसे कार्य करेल?
संयुक्त निवेदनानुसार, ग्राहकांच्या मोबाइलवरून क्यूआर कोड स्कॅन केल्याने एक वेब पेज ओपन होईल. येथे ग्राहकाला आधार, बँक खाते यासह इतर प्रकारची माहिती द्यावी लागेल. यानंतर UPI द्वारे पेमेंट करता येईल. बँक ऑफ इंडियाचे महाव्यवस्थापक डी. एस. शेखावत म्हणाले की, “क्यूआर कोड स्कॅनिंग आणि UPI द्वारे पेमेंटसह हे प्लॅटफॉर्म सादर करणारी आम्ही सार्वजनिक क्षेत्रातील पहिली बँक आहोत. या प्लॅटफॉर्मद्वारे कोणत्याही कागदपत्रांशिवाय NPS खाते उघडता येते.
NPS खाते म्हणजे काय?
हे प्रथम जानेवारी 2004 मध्ये सुरू झाले होते, त्यानंतर ते केवळ सरकारी कर्मचाऱ्यांसाठी खुले होते. यामध्ये कोणताही भारतीय नागरिक, भारताच्या किंवा जगाच्या इतर भागात राहणारा आणि त्याचे वय 18 ते 70 वर्षांच्या दरम्यान असेल, तर तो या योजनेत गुंतवणूक करू शकतो.
नॅशनल पेन्शन सिस्टम किंवा ई-एनपीएस हे पेन्शन फंड रेग्युलेटरी अँड डेव्हलपमेंट अथॉरिटी (PFRDA) द्वारे नियुक्त सेंट्रल रेकॉर्ड कीपिंग एजन्सीज (CRAs) चे ऑनलाइन NPS ऑन-बोर्डिंग प्लॅटफॉर्म आहे. येथे तुम्ही पेन्शन फंड शिल्लक आणि NPS शी संबंधित इतर तपशील तपासू शकता.
NPS ही जगातील सर्वात कमी किमतीची पेन्शन योजना मानली जाते. यासाठी, टियर 1 खात्यासाठी प्रति वर्ष किमान 1000 रुपयांची गुंतवणूक आवश्यक आहे. यासारख्या छोट्या गुंतवणुकीसह, तुम्ही सेवानिवृत्तीच्या वयापर्यंत पोहोचेपर्यंत एक मोठा निधी तयार करण्यासाठी पुरेपूर वापर करू शकता.
महत्वाच्या बातम्या
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)