उपराष्ट्रपतीपदासाठी भाजपकडून जगदीप धनकड यांना उमेदवारी, नड्डा यांनी केली घोषणा

Vice President Election: शनिवारी सायंकाळी भाजपच्या संसदीय मंडळाच्या बैठकीत उपराष्ट्रपतीपदाच्या उमेदवाराच्या नावावर चर्चा झाली. भाजप अध्यक्ष जेपी नड्डा यांनी पत्रकार परिषद घेऊन जगदीप धनकड यांच्या नावाची घोषणा केली.

jagdeep dhankhar

Vice President Election: शनिवारी सायंकाळी भाजपच्या संसदीय मंडळाच्या बैठकीत उपराष्ट्रपतीपदाच्या उमेदवाराच्या नावावर चर्चा झाली. भाजप अध्यक्ष जेपी नड्डा यांनी पत्रकार परिषद घेऊन जगदीप धनकड यांच्या नावाची घोषणा केली. या बैठकीला पंतप्रधान नरेंद्र मोदीही उपस्थित होते. दुपारी पश्चिम बंगालचे राज्यपाल जगदीप धनकड यांनी पंतप्रधान नरेंद्र मोदी यांची भेट घेतली होती. तसेच धनकड यांनी शुक्रवारी गृहमंत्री अमित शाह यांची भेट घेतली होती. विद्यमान उपराष्ट्रपती  एम. व्यंकय्या नायडू यांचा कार्यकाळ 11 ऑगस्ट रोजी संपत आहे.

उपराष्ट्रपतीपदाच्या निवडणुकीसाठी 6 ऑगस्ट रोजी होणार मतदान

उपराष्ट्रपतीपदाच्या निवडणुकीसाठी इच्छुक उमेदवार 19 जुलैपर्यंत उमेदवारी अर्ज दाखल करू शकतात. 20 जुलै रोजी उमेदवारी अर्जांची छाननी होणार आहे. उपराष्ट्रपतीपदाच्या निवडणुकीसाठी अर्ज दाखल केलेल्या उमेदवारांना 22 जुलैपर्यंत उमेदवारी अर्ज मागे घेता येणार आहेत. देशाचा पुढील उपराष्ट्रपती निवडण्यासाठी 6 ऑगस्ट रोजी मतदान होणार आहे.

उपराष्ट्रपतीपदाच्या निवडीसाठी 6 ऑगस्ट रोजी सकाळी 10 ते सायंकाळी 5 या वेळेत मतदान होणार आहे. मतदान प्रक्रिया पूर्ण झाल्यानंतर त्याच दिवशी मतमोजणीही होणार असून निवडणुकीचे निकालही लागणार आहेत. उपराष्ट्रपती पदासाठीच्या उमेदवाराच्या नावावर सत्ताधारी आणि विरोधी दोन्ही पक्षांचे एकमत झाल्यास मतदानाची गरज भासणार नाही. अशा परिस्थितीत उपराष्ट्रपतीही सर्वसहमतीने बिनविरोध निवडला जाऊ शकतो. मात्र याची शक्यता कमीच दिसत आहे. 

उपराष्ट्रपती पदाची निवडणूक, कधी झाली, कोण जिंकले, कोण हरले?

क्रमांक	वर्ष	Date of Poll	विजेता	मते	उपविजेता	मते
1	1952	12-05-1952	डॉ. सर्वपल्ली राधाकृष्णन (बिनविरोध)
2	1957	11-05-1957	डॉ. सर्वपल्ली राधाकृष्णन (बिनविरोध)
3	1962	07-05-1962	झाकिर हुसेन	568	एन.सी सामंतसिंहर	14
4	1967	06-05-1967	व्ही व्ही गिरी	483	मोहम्मद हबीब	193
5	1969	30-08-1969	गोपाल स्वरूप पाठक	400
6	1974	27-08-1974	बी.डी. जत्ती	521	एन ई होरो	141
7	1979	27-08-1979	मोहम्मद हिदायत उल्लाह (बिनविरोध)
8	1984	22-08-1984	आर. वेंकटरामण	508	बी.सी. कांबळे	207
9	1987	07-09-1987	शंकर दयाल शर्मा  (बिनविरोध)
10	1992	19-08-1992	के आर नारायणन	700	काका जोगिंदर सिंह	2
11	1997	16-08-1997	कृष्ण कांत	441	सुरजित सिंह	273
12	2002	12-08-2002	भैरोव सिंह शेखावत	454	सुशिलकुमार शिंदे	305
13	2007	10-08-2007	हमीद अन्सारी	455	नजमा ए हेप्तुल्ला	222
14	2012	07-08-2012	हमीद अन्सारी	490	जसवंत सिंह	238
15	2017	05-08-2017	व्यंकय्या नायडू	516	गोपालक्रृष्ण	244