Astrology: मार्गशीर्षचा शेवटचा गुरुवार ठरणार भाग्याचा! धनलाभासाठी आज गुपचूप करा 'हे' खास उपाय; देवी लक्ष्मी, कुबेराची होईल कृपा
Margashirsh Guruwar: ज्योतिषशास्त्रानुसार, जर तुम्हाला कुंडलीताल गुरूला बलवान बनवायचे असेल, भगवान विष्णूंचा, देवी लक्ष्मीचा आशीर्वाद मिळवायचा असेल तर गुरुवारी 'हे' काम अवश्य करा.
Margashirsh Guruwar: आज मार्गशीर्षचा शेवटचा गुरुवार आहे. हा दिवस देवी लक्ष्मीला प्रसन्न करण्यासाठी अत्यंत महत्त्वाचा मानला जातो. या दिवशी तुम्हाला आर्थिक स्थैर्य हवं असेल, तसेच भविष्यातील अडचणींपासून सुटका हवी असेल, सुख-समृद्धी हवी असेल तर गुरूवारचा दिवस उत्तम आहे. जर तुमच्या कुंडलीतील बृहस्पति कमजोर असेल तर व्यक्तीला अनेक समस्यांना सामोरे जावे लागू शकते. अशात जर तुम्हाला गुरूला बलवान बनवायचे असेल आणि भगवान विष्णूंचा आशीर्वाद मिळवायचा असेल तर गुरुवारी हे काम अवश्य करा.
....तर व्यक्तीला कधीही पैशाची कमतरता भासत नाही
ज्योतिष शास्त्रात देवगुरू बृहस्पति हा धनाचा कारक मानला जातो. जर कुंडलीत बृहस्पति बलवान असेल तर व्यक्तीला कधीही पैशाची कमतरता भासत नाही, तर बृहस्पति कमकुवत असेल तर नेहमीच आर्थिक समस्या उद्भवतात. म्हणून, ज्योतिषी कुंडलीत बृहस्पति मजबूत करण्याचा सल्ला देतात. यासाठी गुरुवारी भगवान विष्णू-देवी लक्ष्मीची पूजा करा आणि व्रत ठेवा. असे केल्याने केवळ पैशाशी संबंधित समस्या दूर होत नाहीत तर सुख, समृद्धी आणि सौभाग्यही वाढते. याशिवाय इच्छित वरही मिळतो. जर तुम्हालाही तुमच्या कुंडलीत बृहस्पति मजबूत करायचा असेल आणि भगवान विष्णूचा आशीर्वाद मिळवायचा असेल तर या दिवशी उपाय अवश्य करा.
गुरुवारी हे विशेष उपाय करा
धनलाभासाठी...
जर तुम्हाला पैशाच्या समस्येवर मात करायची असेल तर गुरुवारी स्नान आणि ध्यान केल्यानंतर विधीनुसार भगवान विष्णू आणि माता लक्ष्मीची पूजा करा. यावेळी भगवान विष्णूला सात हळकुंड अर्पण करा. पूजेनंतर हळद पिवळ्या कपड्यात बांधून तिजोरीत ठेवा. असे केल्याने आर्थिक स्थिती सुधारते.
एकमुखी नारळ अर्पण
भगवान विष्णू आणि माता लक्ष्मी यांना एकमुखी नारळ आवडतो. अशा स्थितीत गुरुवारी पूजेदरम्यान त्यांना एकमुखी नारळ अर्पण करा. पूजा संपल्यावर हा नारळ पिवळ्या कपड्यात बांधून घराच्या मुख्य प्रवेशद्वारावर बांधावा किंवा तिजोरीत ठेवावा. असे केल्याने पैशाची कमतरता दूर होते आणि घरात सुख-समृद्धी येते.
बासरी किंवा दक्षिणावर्ती शंख अर्पण करा
आर्थिक संकट टाळण्यासाठी गुरुवारी मंदिरात जाऊन भगवान विष्णूला बासरी किंवा दक्षिणावर्ती शंख अर्पण करा. तुम्हाला हवे असल्यास तुम्ही घरीही बासरी आणू शकता. वास्तुशास्त्रानुसार घरात बासरी ठेवल्याने सुख आणि सौभाग्य तर वाढतेच शिवाय घरात आनंदही येतो.
केळीच्या रोपाची पूजा
गुरुवारी सकाळी लवकर उठून अंघोळ करून पिवळे कपडे घाला. त्यानंतर केळीच्या रोपाला हळद मिसळलेले पाणी अर्पण करा आणि या मंत्राचा जप करा - "ओम नमो भगवते वासुदेवाय." या मंत्राचा जप केल्याने आर्थिक अडचणी दूर होतात आणि घरात सकारात्मक ऊर्जा येते.
हेही वाचा>>
Hindu Religion: पती-पत्नीच्या 'या' एका चुकीमुळे 'तृतीयपंथीय' मुलाचा जन्म होतो? त्यांचा जन्म कसा होतो? पुराण आणि धर्मग्रंथांत म्हटलंय..
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
महत्त्वाच्या बातम्या
ट्रेंडिंग न्यूज
