June Grah Gochar 2024 : जून महिन्यात ग्रहांच्या मोठ्या हालचाली! शुक्र, बुध, सूर्यासह शनीही करणार संक्रमण; 'या' राशींवर असणार कुबेरची कृपादृष्टी

June Grah Gochar 2024 : ज्योतिष शास्त्रानुसार जूनच्या सुरुवातीपासून शेवटपर्यंत पाच ग्रहांमध्ये मोठे बदल होणार आहेत. ग्रहांच्या या राशीचक्राचा सर्वात मोठा प्रभाव काही राशींवर दिसू शकतो.

June Grah Gochar 2024

June Grah Gochar 2024 : ज्योतिषशास्त्रानुसार, जून महिन्यात (June Month) पाच ग्रहांची दिशा पूर्णपणे बदलणार आहे. 1 जूनला म्हणजेच (उद्या) मंगळ मेष राशीत प्रवेश करणार आहे. तर, 12 जूनला शुक्र मिथुन राशीत संक्रमण करणार आहे. 14 जूनला बुध मिथुन राशीत, तर, 15 जूनला सूर्य मिथुन राशीत प्रवेश करेल आणि 30 जूनपासून शनीची वक्री (Shani Dev) चाल असणार आहे. 

या प्रमुख ग्रह बदलांचा सर्वात जास्त परिणाम 5 राशींवर होणार आहे. या राशींवर ग्रहांचा सकारात्मक प्रभाव दिसून येणार आहे. ज्योतिषशास्त्रानुसार, जून महिन्यात कोणत्या राशींचं भाग्य उजळणार ते जाणून घेऊयात.  

मेष रास (Aries Horoscope)

या राशीसाठी शनि वगळता इतर ग्रहांमध्ये होणारे बदल खूप शुभ परिणाम देणारे ठरतील. जर एखाद्या व्यक्तीला आपला व्यवसाय चांगला वाढवायचा असेल तर त्यांना यश मिळेल. नोकरीच्या शोधात असलेल्या तरूणांना चांगली नोकरी मिळेल. हा महिना तुमच्यासाठी प्रगतीचा ठरणार आहे. नोकरदार लोकांना चांगल्या नोकरीच्या ऑफर देखील मिळू शकतील. 

वृषभ रास (Taurus Horoscope)

शुक्र ग्रहाच्या बदलामुळे वृषभ राशीच्य लोकांसाठी हा काळ जास्त आनंददायी असणार आहे. सूर्याचा शुभ प्रभाव या राशींच्या लोकांच्या करिअरसाठी शुभ ठरणार आहे. तसेच, बुध ग्रहामुळे तुमच्या उत्पन्नात वाढ होण्याची शक्यता आहे. जून महिन्यात तुमची आर्थिक स्थिती मजबूत होईल. या महिन्यात नशीबाची चांगली साथही तुम्हाला मिळेल. 

सिंह रास (Leo Horoscope)

जून महिन्यात सिंह राशीच्या लोकांना उत्पन्नाचे नवीन मार्ग सापडतील तसेच तुमच्या उत्पन्नात वाढ होईल. तुमच्या आरोग्याबाबत कोणतीच काळजी घेण्याची गरज नाही. तुमची तब्येत एकदम ठणठणीत असणार आहे. तर, महिन्याच्या शेवटी तुम्हाला चांगली बातमी मिळेल. 

कन्या रास (Virgo Horoscope)

ग्रहांच्या या मोठ्या बदलाचा कन्या राशीवर सकारात्मक प्रभाव पडणार आहे. नोकरीच्या शोधात असलेल्या लोकांसाठी या महिन्यात चांगली बातमी मिळू शकते. तसेच, तुमच्या पगारातही वाढ होईल. व्यवसाय करणाऱ्यांसाठी हा महिना फायदेशीर ठरेल. तुमची मालमत्ता किंवा वाहन खरेदी करण्याची इच्छा असेल तर ती नक्कीच पूर्ण होईल.  

धनु रास (Sagittarius Horoscope)

जून महिन्यात या राशीच्या लोकांवर नशीबाची विशेष कृपा असणार आहे. व्यावसायिक लोकांना नवीन डील मिळू शकते. ज्यातून तुम्हाला खूप फायदा होऊ शकतो. या काळात पगारात वाढ होण्याची शक्यता आहे. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: