June Month Horoscope 2024 : जून महिन्यात शनी-राहुची वक्री चाल; 'या' राशींच्या अडचणीत प्रचंड होणार वाढ; एकामागोमाग येतील संकटं

June Month Horoscope 2024 : राहु कुंडलीत नेहमी प्रतिगामी म्हणजेच वक्री अवस्थेत राहतो पण यावेळी जूनमध्ये शनीची वक्री चाल होणार आहे. अशा परिस्थितीत राहु-शनीची उलटी चाल काही राशींसाठी त्रासदायक ठरू शकतात.

June Month Horoscope 2024

June Month Horoscope 2024 : मे महिन्याचा आजचा शेवटचा दिवस असून उद्याापासून जून महिना सुरु होणार आहे. या जून महिन्यात (June Month) राहु (Rahu) आणि शनीचा (Shani Dev) तांडव पाहायला मिळेल. राहुने सध्या मीन राशीत संक्रमण केलं आहे. तर, शनी कुंभ राशीत विराजमान आहे. राहुला पापी आणि मायावी ग्रह मानला जातो. 

राहु कुंडलीत नेहमी प्रतिगामी म्हणजेच वक्री अवस्थेत राहतो पण यावेळी जूनमध्ये शनीची वक्री चाल होणार आहे. अशा परिस्थितीत राहु-शनीची उलटी चाल काही राशींसाठी त्रासदायक ठरू शकतात. जून महिन्यात राहु-शनी कोणत्या राशींच्या अडचणींत वाढ होऊ शकते ते जाणून घेऊयात. 

मेष रास (Aries Horoscope)

सध्या राहु मीन राशीत विराजमान आहे. राहुच्या अशुभ प्रभावामुळे मेष राशीच्या लोकांच्या आरोग्यावर वाईट परिणाम पडू शकतो. या दरम्यान तुमच्या व्यवसायात अनेक चढ-उतार पाहायला मिळू शकतात. तसेच, या काळात तुमचा आत्मविश्वास खचू शकतो. व्यवहारात तुमचं नुकसान होऊ शकतं. तसेच, पैशांची कमतरता तुम्हाला जाणवू शकते. 

कन्या रास (Virgo Horoscope)

राहुच्या अशुभ प्रभावाचा तुमच्या मानसिक स्थितीवर फार वाईट परिणाम पाहायला मिळू शकतो. तसेच, चांगल्या-वाईटाची समझ तुम्हाला न  आल्याने तुम्हाला आर्थिक नुकसान होऊ शकतं. त्यामुळे डोळे बंद करून कोणावरही आंधळा विश्वास ठेवू नका. तुमचं मन अशांत असल्या कारणाने तुमच्या नात्यात कटुता निर्माण होऊ शकते. 

धनु रास (Sagittarius Horoscope)

राहुच्या दुष्प्रभावामुळे तुमचं मन अशांत होऊ शकतं. नात्यात अनेक चढ-उतार पाहायला मिळतील. तसेच, तिसऱ्या व्यक्तीचा सहभाग असल्या कारणाने नात्यात दुरावा निर्माण होऊ शकतो. त्यामुळे तुमच्या आर्थिक स्थितीवर परिणाम होऊ शकतो.  भौतिक सुखसोयी कमी होतील. पती-पत्नीमध्ये वैचारिक मतभेद पाहायला मिळतील. रागावर नियंत्रण ठेवा, अन्यथा परिस्थिती आणखी बिघडू शकते. आरोग्याच्या बाबतीत निष्काळजी राहू नका.

मकर रास (Capricorn Horoscope)

राहु आणि शनी हे दोघांचीही जून महिन्यात वक्री चाल असणार आहे. अशा स्थितीत त्यांच्या दुष्परिणामांमुळे मकर राशीच्या लोकांचे काम बिघडू शकते. सध्या मकर राशीच्या लोकांसाठी शनीची साडेसातीही चालू आहे. अशा परिस्थितीत तुम्हाला मानसिक आणि शारीरिक त्रास सहन करावा लागू शकतो. दिर्घकालीन आजार तुम्हाला उद्भवू शकतात. व्यवसायातही नुकसान होऊ शकते.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: